Säs'stroi
Lidnanznam
| |
| Valdkund | Venäma |
| Eläjiden lugu (2023) | 12,417 ristitud |
| Pind | 12,23 km² |
| |
| Pämez' | Vladimir Ivanov (reduku 2014—) |
| Telefonkod | +7−81 363-xx-xxx |
| Avtokod | 47 |
| Aigvö | UTC+3 (MSK+0) |
Säs'stroi (ven.: Сясьстро́й, suom.: Sjasstroi) om Venäman lidn da lidnankund Leningradan agjan keskuzpalas. Se mülüb Volhovan rajonha, kahtenz' surtte lidn koumespäi.
Istorii[redaktiruida | redaktiruida purde]
Amuine Säsin Rädkid-eländpunkt (ven.: Сясьские Рядки) mainitase kirjutadud purtkiš ezmäižen kerdan vl 1572, sigä torguihe kalad da mecad.
Nügüdläižen eländpunktan aluz om pandud vl 1927 radnikžiloks sauvomha Säsin cellülozbumagašt kombinatad (saudihe vozil 1926−1928, alištui rekonstrukcijale vl 2008). Vl 1992 žilo sai lidnan statusad.
Säs'stroin ižandusen päsarak om cellülozbumagaine tegimišt, kombinat[1] seižub Valgomkan hural randpolel. Toižed edheotandad oma il'mvenehiden tegim, leibänceh, änikoiden kazvatusen ferm.
Geografijan andmused[redaktiruida | redaktiruida purde]
Lidn sijadase Säs'-jogen oiktal randal, Valgomk-jogen lanktendan sijas, Ladoganjärven randpolel (nell' kilometrad randhasai), 25 m ü.m.t. keskmäižel korktusel. Matkad Volhov-rajonkeskushesai om 35 km suvipäivlaskmha. Matkad Piterihesai om 152 kilometrad päivlaskmha. Lähembaine lidn om Uz' Ladog 20 km päivlaskmha «Kol»-trassadme.
Avrovo-žilo (332 rist. vl 2010) da ühesa küläd mülüdas lidnankundha Säs'stroin ližaks. Lidnankundan pind — 116 km².
Eläjad[redaktiruida | redaktiruida purde]
Vn 2010 Venäman rahvahanlugemižen mödhe lidnan eläjiden lugu oli 13 745 ristitud, lidnankundan — 14 409 ristitud, rajonan seičemendez. Kaikiš suremb lidnan ristitišt oli 18 tuhad eläjid vl 1988. Vl 2017 kaik 13 006 ristitud elihe lidnas i 13 626 ristitud kaikes lidnankundas.
Pühän Jumalanmaman Emäganpäivän kaks' pühäpertid[2] oma avaitud lidnas (ortodoksine hristanuskond): jumalanpert' vspäi 1751 (kellčuhunduz 1810−1816) i časoun' (18. voz'sadan lopuspäi).
Volhovan äiprofil'žen tehnikuman[3] lavut nomer 4 om lidnan profopendusen aluzkundaks.
Transport[redaktiruida | redaktiruida purde]
Lähembaine passažirraudtestancii om Lungačid vides kilometras suvipäivnouzmha lidnan keskusespäi «Volhov — Pöud»-keskustal.
Galerei[redaktiruida | redaktiruida purde]
-
Suren sodan nevondkundaližiden sodamehiden velleskaum (2018)
-
Jumalanmaman Emäganpäivän pühäpert', vn 2020 nägu
-
Profškol vl 2018
-
Kul'turkeskuz (2018)
Homaičendad[redaktiruida | redaktiruida purde]
- ↑ Säsin cellülozbumagaižen kombinatan sait (syas.ru). (ven.) (angl.)
- ↑ Säs'stroin pühäpertid sobory.ru-saital. (ven.)
- ↑ Volhovan äiprofil'žen tehnikuman sait (volhovmt.ru). (ven.)
Irdkosketused[redaktiruida | redaktiruida purde]
 |
Säs'stroi Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Koltuši | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||