Kingisepp
Lidnanznam
|
Flag
|
| Valdkund | Venäma |
| Eläjiden lugu (2018) | 46,747 ristitud |
| Pind | 29 km² |
| |
| Pämez' | Aleksandr Sergejev (2014—) |
| Telefonkod | +7−81 375-xx-xxx |
| Avtokod | 47 |
| Aigvö | UTC+3 (MSK+0) |
Kingisepp (ven.: Кингисепп, suom.: Jaama, ižor.: Kingiseppä) om Venäman lidn Leningradan agjan suvipäivlaskmas, Kingiseppan rajonan administrativine keskuz (mülüb rajonha vspäi 2006). Se om rajonan kaikiš suremb lidn.
Istorii[redaktiruida | redaktiruida purde]
Uz'lidnan Ivan Födorovič-bajar' pani eländpunktan alust kuti Jam-lidnuz (ven.: крепость Ям). Lidnusen jändused oma kaičenus tähäsai. Vl 1703 eländpunkt oli nimitadud Jamburg:aks. Vl 1784 Jamburg-külä sai lidnan statusad.
Vn 1922 17. päiväl semendkud udesnimitihe lidnad nügüdläižikš estilaižen Viktor Kingisepp-revolücioneran muštho (vll 1952−1988 Estinman Kuressaare-lidn nimitihe muga-žo). Vs 1927 elokun 1. päiväspäi lidn om ühtennimižen rajonan administrativižeks keskuseks. Vozil 1935−1940 da 1976−2006 Kingisepp oli alištunu agjan tobmudele oikti.
Kingiseppan ižandusen päsarakod oma mineraližheretusiden pästand, üks'kerdaižiden formiden tehmine monolitižen sauvondan täht, mouckiven tegim. «Piter—Tallidn»-raudtejono läbitab lidnad.
Geografijan andmused[redaktiruida | redaktiruida purde]
Lidn sijadase suvipäivlaskmha Piterišpäi, Kingiseppan rajonan keskuses. Matkad Piterihesai om 130 km pohjoižpäivnouzmha. Kingisepp seižub Lug-jogen oiktal randal tobjimalaz, 25 m valdmeren pindan päl keskmäižel korktusel.
Porhovo-külä (6 rist. vl 2016) mülüb lidnankundha Kingiseppan ližaks. Lidnankundan pind — 44,02 km², se om olmas nügüdläižiš röunoiš vspäi 2006.
Kingisepp-lidnankund Kingiseppan rajonanke jagasoiš 22 valičemižümbrikoks, vodele 2019 linneb niid 25.
Tobmuz[redaktiruida | redaktiruida purde]
Käskusenandai tobmuz om Ezitajiden Nevondkund (ven.: Совет депутатов) 22 ühtnijanke. Kaik rahvaz valičeb heid videks vodeks. Järgenduseližed valičendad sihe oliba vl 2014 sügüz'kun 14. päiväl. Aleksandr Sergejev radab sen ezimehen da lidnkundan pämehen vs 2014 sügüz'kun 24. päiväspäi, hän-žo radab Kingiseppan rajonan pämehen.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe eläjiden lugu oli 48 488 ristitud. Vl 2018 lidnan ristitišt oli 46 747 eläjad.
Ortodoksižen hristanuskondan ph. Jekaterina Aleksandrijalaižen päjumalanpert' da kaks' jumalanpertid om lidnas. Mugažo lüteranižen hristanuskondan pühäpert' om Kingiseppas.
Om specialižen keskopendusen aluzkundoid lidnas: tehnologijoiden da servisan kolledž i politehnine tehnikum. Privatine Ivangorodan gumanitariž-tehnine kolledž[1] sijadase Kingiseppas täuzin (ei ole filialoid) nimitushe kacmata.
Galerei[redaktiruida | redaktiruida purde]
Lidnan ohjastusen enzne sauvuz
Pühän Katerinan päjumalanpert', vn 2013 nägu
Nozolan ammiakan cehan sauvomine Fosforit-tegimištgruppan tegimel vl 2017
Lidnan kodirandantedištandmuzei (2012), ende kommertine škol
Päraudtestancijan sauvuz vl 2007
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Kingisepp Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||