Pikalövo

Vikipedii
Jump to navigation Jump to search
Pikalövo
Пикалёво
 Lidnanznam
Coat of Arms of Pikalyovo (Leningrad oblast).png
 Flag
Flag of Pikalyovo (Leningrad oblast).svg
Valdkund Venäma
Eläjiden lugu (2017) 20 379 ristitud
Pind 38,06 km²
Pämez' Nikolai Semönov
(sügüz'ku 2 014—)
Telefonkod +7-81 366-xx-xxx
Avtokod 47
Aigvö UTC+3 (MSK+0)


Pikalövo (ven.: Пикалёво) om Venäman lidn da lidnankund Leningradan agjan suvipäivnouzmas. Se om Boksitogorskan rajonan kahtenz' surtte lidn.

Istorii[redaktiruida | redaktiruida purde]

Eländpunkt mainitase ezmäižen kerdan vl 1620 Änižen pätinan aigkirjas, sijadase amuižel pustolänil. Vl 1906 nimitihe raudtestancijad «Piter — Vologd»-jonol Pikalövo-külän mödhe. Vozil 1927—1930 Pikalövo-žilo oli Pikalövon rajonan administrativižeks keskuseks. Vozil 1935—1941 saudihe cementtegint da radnikžilod.

Vspäi 1947 Pikalövo oli lidnanvuiččeks žiloks. Se sai lidnan statusad vl 1954. Vozil 1996—2006 alištui agjan tobmudele oikti da ei mülünd Boksitogorskan rajonha. Vozil 2008—2009 mail'man finansižen krizisan aigan pätegimiden pidajad tahtoiba saubata enambust niišpäi, no eläjad ei antkoi tehta necidä.

Geografijan andmused[redaktiruida | redaktiruida purde]

Lidn sijadase Rädan'-jogen oiktal randal (Säs'-jogen bassein), 180 m ü.m.t. keskmäižel korktusel. Matkad Piterihesai om 220 km päivlaskmha orhal, 230 km raudtedme vai 260 km avtotedme. Om 27 kilometrad päivlaskmpolehe lähembaižhe Boksitogorsk-lidnhasai. Koume raudtestancijad om läz lidnad: Pikalövo I (passažiroiden täht), Pikalövo II (tegimištzonas) i Fabričnai (jüguiden täht).

Pikalövo om lidnankundan üks'jäine eländpunkt.

Eläjad da ižanduz[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 21 562 ristitud, rajonan kaks' videndest. Kaikiš suremb ristitišt oli vozil 1989—2001, 24..25 tuhad eläjid (vl 2000 — 25 700 rist.). Ortodoksižen hristanuskondan kaks' pühäpertid om lidnas: Zdviženjan i Pühäpäivän jumalanpertid.

Ižandusen sarakod oma sauvondmaterialiden pästand (cement, vahtbeton, raudbetontegesed), substancijoiden pästand (alüminijan hapanduz, gallii, potaš, mouckivi), mugažo mecanümbriradmižen edheotand i kolbasceh ratas lidnas.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]



Leningradan agjan lidnad
Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Lug | Lüban' | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk