Säs'

Vikipedii
Mine navigeerimisribale Mine otsikasti
Säs'jogi

Säs' vai Säs'jogi (venän kelel: Сясь, suom.: Säsjoki) om jogi Venäman lodehes, sen Uz'lidnan i Leningradan agjoiš, vepsän etnižes territorijas.

Etimologii[redaktiruida | redaktiruida purde]

Jogen Baltijan meren suomalaine nimi om sel'ged: Säs'jogi < Säs'k||jogi (kc. mugažo Tihvina, Tihvinanjogi < *tihevä-, 'täuz' tihid').

Ühthižed andmused[redaktiruida | redaktiruida purde]

Säsin joginišk sijadase Valdai-ülüden päivlaskmaižiden pautkiden soiš, korktemb mi 120 m ü.m.t. läz Akulovo-žilod. Jogi jokseb Ladoganveren alangištodme i lankteb Ladogjärvhe 5 m ü.m.t. korktusel.

Jogen piduz om 260 km. Basseinan pind om 7330 km², se om sidodud Volgan basseinanke päivnouzmas Tihvinan kanalan kal't. Röunatab Olhavan basseinanke päivlaskmas i Süvärin basseinanke pohjoižes.

Oiktad ližajoged: Voložb, Tihvinanjogi (ven.: Тихвинка), Val' (ven.: Валя), Kuseg, Suzn. Hurad ližajoged: Klimenk, Lunenk, Opočn', Linn (ven.: Лынна).

Ümbrikirjutand[redaktiruida | redaktiruida purde]

Jogi jädub kül'mkus, erasti vilukuhusai, joudai vezi avaidase sulakus. Vezi lumen sulandaspäi prevaliruib joges. Säsin vezi om ruskedbur mujul, sikš miše äi raudan hapandust venub jogen vagon pohjas.

Säs'stroi-lidn sijadase läz jogensud.