Volhov (lidn)

Vikipedii-späi
Volhov
Волхов
 Lidnanznam
 Flag
Valdkund Venäma
Eläjiden lugu (2023) 37,955 ristitud
Pind 108,21 km²
Volhov Волхов
Pämez' Alisa Arutünän
(sügüz'ku 2019—)
Telefonkod +7−81 363-xx-xxx
Avtokod 47
Aigvö UTC+3 (MSK+0)


Volhov (ven.: Во́лхов, suom.: Olhava) om Venäman lidn da järed raudtesol'm Leningradan agjan keskuses. Se om Volhovan rajonan administrativine keskuz da kaikiš suremb lidn.

Istorii[vajehta | vajehtada tekst]

Eländpunktan aluz om pandud vl 1918 kuti Volhovstroi-žilo sauvomha Volhovan GES (saudihe vozil 1918−1926). Vl 1933 ühtištuihe sidä lähižen Zvank-radnikžilonke da raudtestancijanke da anttihe lidnan statusad. Vspäi 1940 lidn om olmas nügüdläiženke nimenke.

Volhovan ižandusen päsarakod oma himine tegimišt, gidroenergetik da sömtegimišt, mugažo alüminijantegim da mebel'fabrik oma olmas.

Geografijan andmused[vajehta | vajehtada tekst]

Lidn sijadase rajonan suvipäivlaskmas, Olhavanjogen molembil randoil, 33 m ü.m.t. keskmäižel korktusel. Matkad Piterihesai om 141 kilometrad päivlaskmha.

Volhov om lidnankundan üks'jäine eländpunkt. Volhov-1 sijadase jogen hural (päivlaskmaižel) randal, Volhov-2 — oiktal (päivnouzmaižel) randal.

Eläjad[vajehta | vajehtada tekst]

Vl 2010 lidnan eläjiden lugu oli 47 182 ristitud (rajonan ristitišton pol'). Kaik 45 195 eläjad oli lidnas vl 2017. Kaikiš suremb ristitišt oli 51 tuhad eläjid vl 1987 i vl 1998.

Rahvahad (enamba 0,4 % vn 2010 Venäman rahvahanlugemižen mödhe): venälaižed — 93,4 %, ukrainalaižed — 1,0 %, armenijalaižed — 0,8 %, čiganalaižed — 0,8 %, azerbaidžanlaižed — 0,5 %, vaugedvenälaižed — 0,5 %, toižed rahvahad — 1,7 %, rahvahuden ozutandata — 1,3 %.

Erased igähižed rahvahad: karjalaižed — 20 rist. (0,04%), suomalaižed — 10 rist. (0,02%), estilaižed — 8 rist. (0,02%), vepsläižed — 7 rist. (0,01%)[1].

Ortodoksižen hristanuskondan nell' pühäpertid[2] oma avaitud lidnas: ph. Ondrii Ezikuctud päjumalanpert' (puine, om letud vodele 2019), Mikoi-arhangelan jumalanpert' (kivine variant om saudud vl 1820, ližasaudud vl 1913, oli sauptud vll 1938−1994) i kaks' časounäd.

Volhovan politehnine tehnikum[3] i äiprofil'ne tehnikum[4] oma lidnan specialižen keskopendusen aluzkundoikš.

Edeline lidnan pämez' (Deputatoiden Nevondkundan ezimez') om Vitalii Napsikov (sügüz'ku 2014 — sügüz'ku 2019).

Transport[vajehta | vajehtada tekst]

Avtobusad i taksid oma kundaližeks transportaks. Kaik koume sildad om avaitud lidnas Olhavas päliči: avtotesild, raudtesild da sild jaugnikoiden täht.

Ezilidnelektrojonused ühtenzoittas Piterinke. Volhovan raudtesol'men koume stancijad: Volhovstroi-1, Volhovstroi-2, Murmanskan Verai (ven.: Мурманские Ворота). Novooktäbr'skai-platform radab mugažo.

Galerei[vajehta | vajehtada tekst]

Homaičendad[vajehta | vajehtada tekst]

  1. Национальный состав и владение языками, гражданство населения Ленинградской области (Leningradan agjan rahvahaline mülükund, ristitišton kel'mahtod da rahvahanikuz.) / Стат. сборник. Часть 1. — СПб.: Петростат, 2013. — 266 lpp. — Lpp. 29−30. (ven.)
  2. Volhovan pühäpertid sobory.ru-saital. (ven.)
  3. Volhovan politehnižen tehnikuman sait (volhovpoliteh.ru). (ven.)
  4. Volhovan äiprofil'žen tehnikuman sait (volhovmt.ru). (ven.)

Irdkosketused[vajehta | vajehtada tekst]



Leningradan agjan lidnad
Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Koltuši | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk