Janino-1

Janino-1
Янино-1

Valdkund	Venäma
Eläjiden lugu (2021)	14,210 ristitud
Telefonkod	+7−81 370-xx-xxx
Avtokod	47
Aigvö	UTC+3 (MSK+0)

Ph. Veniaminan jumalanpert', vn 2016 nägu

Janino-1 (ven.: Янино-1 vai Первое Янино, suom.: Saksan Jaanila) om lidnanvuitte žilo (vspäi 2016) Leningradan agjan Vsevoložskan rajonan suvipäivlaskmas. Se om Zanevkan lidnankundan administrativine keskuz (vspäi 2016).

Istorii

Eländpunktan aluz om pandud vl 1853 kuti sirdanuziden Venäman toižiš eländpunktoišpäi saksalaižiden kolonii. Vl 1942 deportiruihe saksalaižid küläspäi.

Janino-1 šingotase konteineriden äifunkcionaližel varažomal muitanke raudtenno (avaitihe vl 2011), mugažo betontegimel.

Geografijan andmused

Žilo sijadase lidnankundan pohjoižes, 16 m ü.m.t. keskmäižel korktusel. Kaik om 31 irdad žilos. Matkad Piterin röunhasai (Kosiginan prospekt zavodiše) om nell' kilometrad päivlaskmha, ani edel sidä om Zanevk-külä. Rengazavtote ümbri Piteriš mäneb ani päivlaskmha žilospäi. Suorand-, Hirvosti- i Janino-2-küläd oma kahtes-koumes kilometras päivnouzmha avtotedme žilospäi, ani tegimištzonan taga.

Vižkilometrine sarak ühtenzoitab žilon tegimištzonad Piterin raudümbärtenke. Lähembaine raudtestancii om Zanevkan Post (om avaitud vl 1924) raudümbärtel, sijadase Piterin i Zanevk-külän keskes.

Eläjad

Vn 2010 Venäman rahvahanlugemižen mödhe sen aigan külän eläjiden lugu oli 4 452 ristitud. Vl 2002 külän ristitišt oli 4 285 ristitud, venälaižed otiba ühesad kümnendest. Kaikiš suremb žilon ristitišt om nügüd', se ližadui lujas intensivižen sauvondan tagut.