Saratov

Vikipedii
Jump to navigation Jump to search
Saratov
Саратов
 Lidnanznam
Coat of Arms of Saratov.svg
 Flag
Flag of Saratov.svg
Valdkund Venäma
Eläjiden lugu (2019-01-01) 841 902 ristitud
Pind 394 km²
Saratov Саратов
Pämez' Mihail Isaev
(kül'mku 2 017—)
Telefonkod +7-8 452-xxx-xxx
Avtokod 64, 164
Aigvö UTC+4 (MSK+1)


Saratovan administrativižed rajonad:      , 1 Tegimiden rajon (ven. Заводской район)      , 2 Oktäbrin rajon (ven. Октябрьский район)      , 3 Frunzen rajon (ven. Фрунзенский район)      , 4 Kirovan rajon (ven. Кировский район)      , 5 Volgan rajon (ven. Волжский район)      , 6 Leninan rajon (ven. Ленинский район)

Saratov om lidn da lidnümbrik Venälaižes Federacijan suvipäivlaskmas, avtote- da raudtesol'm. Se om Saratovan agjan administrativine keskuz i kaikiš suremb lidn.

Nügüd'aigaine Saratov om äifunkcionaline da äisarakoine lidn, agjan openduzkeskuz.

Istorii[redaktiruida | redaktiruida purde]

Ristitud elihe lidnan territorijan sijas 4 voz'tuhad tagaz völ. Saratov-lidnan aluz om pandud koume kerdad. Ezmäi vl 1590 Volgan randoil kuti lidnuz kaičemha Venäman suviröunoid, Samaran lidnusen (vspäi 1586) i Caricinan (vspäi 1589) keskes matkan pol'ten sijha. Sikš ku voziden 1613−1614 tal'vel lidn paloi, ka vl 1617 panihe lidnad möst, jogen hural randal. Vl 1674 sirtihe lidnan keskust oiktale, korktembale randale Aleksei I Vaikneižen käskön mödhe.

Vll 1708−1718 da 1728−1739 Saratov mülüi Kazanin gubernijha, vll 1718−1728 da 1739−1780 — Astrahanin gubernijha. Vozil 1796−1928 lidn oli Saratovan gubernijan administrativižeks keskuseks. Vspäi 1936 (5. tal'vku) lidn om Saratovan agjan keskuz.

Geografijan andmused[redaktiruida | redaktiruida purde]

Lidn sijadase agjan keskuzpalas, Volg-jogen da sen Volgogradan vezivaradimen oiktal randal, keskuz om saudud 50 m korktusel valdmeren pindal päl. Matkad Moskvhasai om 858 km lodeheze. Lähembaižed sured lidnad oma Engel's 8 km suvipäivnouzmha Volgan vastrandal, Balakovo 176 km pohjoižpäivnouzmha, Kamišin (Volgogradan agj) 169 km suvhe i Penz 196 km lodeheze. Toine lähembaine lidn om Marks 50 km päivnouzmha.

Volgan tazopind oli 6 metrad madalamb edel Volgogradan vezivaradimen täutmišt, kudamb tegihe vozil 1958−1961. Vezivaradimen tazopind vajehtase 3 metras sezonadme.

Saratovan territorii om kukhikaz. Volgaveren ülüden koume madalad mäged oma lidnas, ned seištas pertištota. Kaks' kivivoin da londuseližen gazan löudmižsijad om lidnan territorijan al. Mahuz om mustma.

Saratov om lidnümbrikon üks'jäine eländpunkt. Lidn jagase kudeks territorialižeks rajonaks. Ned ei olgoi municipaližikš ühtnikoikš, alajagasoiš läz 70 mikrorajonha.

Eläjad[redaktiruida | redaktiruida purde]

20. voz'sadan augotišes Saratov oli järedambaks mi Kazan', Alauz'lidn, Samar, ümbri 200 tuhas ristituid elihe lidnas. Kaikiš suremb ristitišt oli 918 tuh. eläjid vl 1987. Zavottes 1980-ziš vozišpäi Volgaveren saksalaižiden enambuz sirdi Saksanmaha. Vn 2010 rahvahanlugemižen mödhe eläjiden lugu oli 837 900 ristitud.

Rahvahad (enamba 0,4% vl 2010): venälaižed — 89,0%, totarlaižed — 1,8%, ukrainalaižed — 1,3%, armenijalaižed — 1,1%, kazahlaižed — 0,9%, azerbaidžanlaižed — 0,7%, toižed rahvahad — 2,3%, rahvahuden ozutandata — 2,9%.

Transport[redaktiruida | redaktiruida purde]

Avtoümbärte da kaks' avtotesildad Volgas päliči oma läz lidnad. Raudte tuli Saratovha vl 1871 Tambovaspäi. Volgaveren raudten ohjanduz sijadase lidnas. Jügujogiport om olmas lidnas.

Avtobusad, trolleibusad, tramvaid, taksid da jogilaivad (kezal) oma kundaližeks transportaks lidnas. Kaik 21 platform elektrojonusiden täht radab Saratovas.

Vll 2012−2019 uz' civiline Gagarin-lendimport (GSV / СРО) oli sauvomas 22 km pohjoižpäivnouzmha lidnan keskusespäi, läz Saburovk-küläd, se radab vn 2019 elokun 20. päiväspäi. Tehtas reisid Venämadme (Moskv, Piter, Soči, Surgut) i Antal'jahasai (Turkanma). Enzne rahvahidenkeskeine civiline Saratov-Keskuzline-lendimport (RTW / СРО, ven. Саратов-Центральный, 426 tuh. passažiroid vl 2018) sijazihe 1 km pohjoižhe lidnan keskusespäi. Om sodalendimportoid-ki.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]



Saratovan agjan lidnad
Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk


Venälaižen Federacijan subjektoiden pälidnad
Abakan | Alauz'lidn | Anadir' | Arhangel'sk | Astrahan' | Barnaul | Belgorod | Birobidžan | Blagoveščensk | Bränsk | Čeboksarad | Čeläbinsk | Čerkessk | Čit | Elist | Gorno-Altaisk | Groznii | Habarovsk | Hanti-Mansiisk | Irkutsk | Iževsk | Ivanovo | Jakutsk | Jaroslavl' | Jekaterinburg | Joškar-Ol | Kaliningrad | Kalug | Kazan' | Kemerovo | Kirov | Kizil | Kostrom | Krasnodar | Krasnojarsk | Kurgan | Kursk | Lipeck | Magadan | Magas | Mahačkal | Maikop | Moskv | Murmansk | Nal'čik | Nar'jan Mar | Novosibirsk | Omsk | Orel | Orenburg | Penz | Perm' | Petropavlovsk Kamčatkal | Petroskoi | Piter | Pskov | Rostov Donal | Räzan' | Salehard | Samar | Saransk | Saratov | Siktivkar | Simferopol' (de fakto) | Sevastopol' (de fakto) | Smolensk | Stavropol' | Sur' Uz'lidn | Suvisahalinsk | Tambov | Tomsk | Tul | Tver' | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež