Vol'sk

Vol'sk
Вольск

Lidnanznam
Valdkund	Venäma
Eläjiden lugu (2018)	63,212 ristitud
Pind	147,92 km²
Pämez'	Maksim Kuznecov (sügüz'ku 2018—)
Telefonkod	+7−84 593-xx-xxx
Avtokod	64, 164
Aigvö	UTC+4 (MSK+1)

Vol'sk (ven.: Вольск) om Venäman lidn da lidnankund Saratovan agjan pohjoižes. Se om agjan videnz' lidn eläjiden lugun mödhe, Vol'skan rajonan administrativine keskuz da pala.

Istorii

Eländpunkt mainitase ezmäižen kerdan vl 1699 kuti Malikovskai-slabad (ven.: слобода Малыковская). Slabad sai makundan lidnan statusad Volgsk-nimitusenke vl 1780. Lidnan nimi kändihe nügüdläižeks aigan mändes.

Vol'sk šingotase mehanižel tegimel, cementan tehmižel, sömtegimištol (maidproduktad, olud, südäiveded).

Geografijan andmused

Lidn sijadase Volgan oiktal randal, 90 m ü.m.t. keskmäižel korktusel. Lähembaižed lidnad oma Šihani 10 km lodeheze orhal Vol'skan päpalaspäi, 15 km avtotedme vai raudtedme, i Balakovo 30 km päivnouzmha orhal i Volgadme, 49 km avtol vai raudtel.

Nell' žilod mülüdas lidnha, Vol'sk lugese lidnankundan üks'jäižeks eländpunktaks. Lidnankundan pind — 147,92 km².

Eläjad

Vl 1939 lidnan ristitišt oli 56 100 eläjad. Vn 2010 Venäman rahvahanlugemižen mödhe lidnan i lidnankundan eläjiden lugu oli 66 508 ristitud. Kaikiš suremb lidnan ristitišt oli 67..71 tuhad eläjid vll 1967−1976 i 1998−2009 (71 tuh. rist. vl 1973 i 71 124 rist. vl 2002).

Rahvahad (2010): venälaižed — 93,2%, totarlaižed — 1,3%, armenijalaižed — 1,2%, ukrainalaižed — 1,2%, toižed rahvahad — 3,1%.

Irdkosketused

• Lidnankundan lehtpoled rajonan oficialižel вольск.рф-saital. (ven.)