Kalininsk

Vikipedii
Jump to navigation Jump to search
Kalininsk
Калининск
Lidnanznam
Coat of Arms of Kalininsk (Saratov oblast).png
Valdkund Venäma
Eläjiden lugu (2018) 15 821 ristitud
Pind 24 km²
Pämez' Sergei Nugaev
(2 014—)
Telefonkod +7-84 549-xx-xxx
Avtokod 64, 164
Aigvö UTC+4 (MSK+1)


Kalininsk (ven.: Кали́нинск) om Venäman lidn da lidnankund Saratovan agjan suvipäivlaskmas. Se om Kalininskan rajonan administrativine keskuz.

Istorii[redaktiruida | redaktiruida purde]

Ende tahondan nimituz oli Balandinskii-jurt, poimihe marjoid, saihe met, vahad, kalad, senid, živatoiden karvoid. Eländpunktan aluz om pandud vl 1680, nimitihe jogen mödhe: Balandinskii-lidnut, Baland (ven.: Баланда). Vl 1895 raudte tuli torguindžilho, saudihe Bokovai-stancijad (ven.: Боковая). Vspäi 1897 oli Baland-slabadaks. Kätihe radnikžiloks vl 1939. Žilo sai lidnan statusad vl 1962 udenke nügüdläiženke nimitusenke, nevondkundaližen valdkundan Mihail Kalinin-šingotajan kanzannimen mödhe. Kalinin edesti žilon raudtedepon i Rusttan armijan saldatoiden suimil vn 1919 20. päiväl heinkud.

Kalininsk šingotase himižel tegimel, sauvondmujuiden tegimel, sömtegimištol (lihakombinat, oludtegim).

Geografijan andmused[redaktiruida | redaktiruida purde]

Lidn sijadase Baland-jogen oiktal randal tobjimalaz (ven.: Баланда 164 km pitte, Don-jogen hurapol'ne bassein), 150 m ü.m.t. keskmäižel korktusel. Matkad Saratovhasai om 103 km päivnouzmha orhal, 114 km avtotedme vai 130 km raudtedme. Lähembaižed lidnad oma Žirnovsk (Volgogradan agj) 61 km suvhe orhal vai 84 km avtotel, i Atkarsk 55 km pohjoižpäivnouzmha orhal, 78 km avtotedme vai raudtedme. Kalininsk-Saratovskii-lopraudtestancii radab lidnan päivlaskmas.

Kalininsk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 16 441 ristitud, rajonan pol'. Kaikiš suremb lidnan ristitišt oli 18..20 tuhad eläjid vll 1979−2009 (20 100 rist. vll 1998−2001).

Rahvahad (2010): venälaižed — 91,2%, ukrainalaižed — 3,8%, armenijalaižed — 1,1%, toižed rahvahad — 3,9%.

Professionaližen opendusen aluzkund om Kalininskan agrobiznesan tehnikum.[1]

Homaičendad[redaktiruida | redaktiruida purde]

  1. Kalininskan agrobiznesan tehnikuman sait (kalininsk-agro.ru). (ven.)

Irdkosketused[redaktiruida | redaktiruida purde]


Saratovan agjan lidnad
Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk