Arkadak
Lidnanznam.png)
| |
| Valdkund | Venäma |
| Eläjiden lugu (2021) | 11,430 ristitud |
| Pind | 16,25 km² |
| |
| Pämez' | Aleksandr Ovadenkov (tal'vku 2005—) |
| Telefonkod | +7−84 542-xx-xxx |
| Avtokod | 64, 164 |
| Aigvö | UTC+4 (MSK+1) |
Arkadak (ven.: Аркада́к) om Venäman lidn da lidnankund Saratovan agjan päivlaskmas. Se om Arkadakan rajonan administrativine keskuz.
Istorii[redaktiruida | redaktiruida purde]
Eländpunktan aluz om pandud vl 1721. Nimitihe jogen mödhe, sen nimituz znamoičeb «tagamägi» amuižtürkan kelel. Kätihe radnikžiloks vl 1939. Radnikžilo sai lidnan statusad vs 1963 vilukun 1. päiväspäi.
Arkadak šingotase sömtegimištol: maidkonservtegim, leibänkombinat, spirttegim, Rosrezerv:an edheotand.
Geografijan andmused[redaktiruida | redaktiruida purde]
Lidn sijadase Sur' Arkadak-jogen hural randal (ven.: Большой Аркадак 115 km pitte), mitte lankteb Hopr-jogen känmaha (Donan hurapol'ne bassein) huralpäi ani päivlaskmha lidnaspäi, 130 m ü.m.t. keskmäižel korktusel. Matkad Saratovhasai om 181 km päivnouzmha orhal, 239 km avtotedme vai raudtedme. Lähembaižed lidnad oma Balašov 50 km suvhe-suvipäivlaskmha orhal, 59 km avtotel vai raudtel, i Rtiščevo 41 km pohjoižhe-pohjoižpäivnouzmha orhal, 52 km avtotel vai raudtel. Arkadak-raudtestancii radab lidnan keskuzpalas.
Krasnii-žilo kaikenaigaižeta ristitištota mülüb lidnankundha (municipaližhe ühtnikha) Arkadakan ližaks.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe lidnan da lidnankundan eläjiden lugu oli 12 845 ristitud, rajonan pol'. Kaikiš suremb lidnan ristitišt oli 14..15 tuhad eläjid vll 1959−2006 (14 790 rist. vl 1959 i 14 800 rist. vl 1998).
Rahvahad (2010): venälaižed — 96,3%, armenijalaižed — 1,1%, toižed rahvahad — 2,6%. Vll 1854−1941 saksalaižed- i danijalaižed-protestantad sirdiba Evropaspäi da eliba nügüdläižen lidnan ümbrištos.
Ortodoksižen hristanuskondan üks'jäine Sündun Voznesenjan jumalanpert'[1] om olmas lidnas vspäi 1822.
Balašovan maižanduzmehanizacijan tehnikuman Arkadakan filial[2] i Saratovan agjan bazižen medkolledžan filial Arkadakas[3] oma lidnan professionaližen opendusen aluzkundoikš.
Galerei[redaktiruida | redaktiruida purde]
Arkadakan rajonan administracijan sauvuz keskuztorgul i muštnik pölištunuzile sijaližile sodamehile (2017)
Sündun Voznesenjan jumalanpert', vn 2017 nägu
Spirttegimen tulend vl 2008
Arkadakan kul'turkeskuz (2008)
Arkadak-raudtestancijan sauvuz vl 2015
Homaičendad[redaktiruida | redaktiruida purde]
- ↑ Arkadakan pühäpertid sobory.ru-saital. (ven.)
- ↑ Balašovan maižanduzmehanizacijan tehnikum, Arkadakan filialan sait (pl-arkadak.ucoz.ru). (ven.)
- ↑ Saratovan agjan bazine medicinine kolledž, Arkadakan filialan sait (arkadakmu.narod.ru) (ven.)
Irdkosketused[redaktiruida | redaktiruida purde]
 |
Arkadak Vikiaitas |
| Saratovan agjan lidnad | ||
| Arkadak | Atkarsk | Balakovo | Balašov | Engel's | Hvalinsk | Jeršov | Kalininsk | Krasnii Kut | Krasnoarmeisk | Marks | Novouzensk | Petrovsk | Pugačov | Rtiščevo | Saratov | Šihani | Vol'sk | ||