Novosibirsk

Novosibirsk
Новосибирск
Lidnanznam;	Flag;
Valdkund	Venäma
Eläjiden lugu (2021-01-01)	1,620,162 ristitud
Pind	502,7 km²
Pämez'	Anatolii Lokot'; (sulaku 2014—)
Telefonkod	+7−383-xxx-xxxx
Avtokod	54, 154
Aigvö	UTC+7 (MSK+4)

Novosibirsk da sen ezilidnad vl 2010 (nägu kaimdajaspäi)

Novosibirsk (ven.: Новосибирск, suline lühenduz Новосиб / Novosib) om Venäman millionerlidn, lidnümbrik da koumanz' lidn eläjiden lugun mödhe, sijadase Sibirin suvipäivlaskmas. Om Novosibirskan agjan i sen Novosibirskan rajonan administrativine keskuz da kaikiš suremb lidn, mugažo Sibirin federaližen ümbrikon pälidn.

Istorii[redaktiruida | redaktiruida purde]

Lidnan rajonad:
Dzeržinskijan rajon Raudteiden rajon El'covkantagaine rajon Kalininan rajon Kirovan rajon Leninan rajon Oktäbrin rajon Pervomain rajon Nevondkundaline rajon Keskuzrajon

Eländpunktan aluz om pandud vn 1893 30. päiväl sulakud Aleksandrovskii-žiloks sauvomha da holitamha Transsibad. Vll 1895−1903 udesnimitihe Novonikolajevskijaks. Se sai lidnan statusad vn 1903 28. päiväl tal'vkud i edel 1926 vot lidnan nimi oli Novonikolajevsk (ven.: Ново-Николаевск).

Novosibirsk šingotase importtavaroiden möndal tukuil (logistine keskuz 20 km²), raudan metallurgijal, metallan ümbriradmižel, mašiništonsauvomižen tegimil, sauvondmaterialiden pästandal (stökol) i sömtegimištol, mugažo järedaks tedokeskuseks.

Geografijan andmused[redaktiruida | redaktiruida purde]

Lidn sijadase Ob'-jogen molembil randoil, 150 m ü.m.t. keskmäižel korktusel. Hura randpol' om tazo, oiged om vanoikaz, Novosibirskan vezivaradim sijadase ülezjogen. Matkad Moskvhasai om 3000 km päivlaskmha orhal. Lähembaižed lidnad mülüdas Novosibirskan aglomeracijha (2,1 mln rist. vl 2018), ned oma Berdsk i Iskitim suvhe, Ob' päivlaskmha. Voib olda penid 2..3-ballaižid manrehkaidusid (12-ballaižen Rihteran pordhišton mödhe).

Novosibirsk om lidnümbrikon üks'jäine eländpunkt i jagase kümneks administrativižeks rajonaks. Ned ei olgoi municipaližikš ühtnikoikš, no kaikutte om ičeze administracijanke päiči El'covkantagaižes, Raudteiden i Keskuzrajonas, niiden administracii om ühthine Keskuzümbrikon.

Eläjad da transport[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 1 473 754 ristitud. Kaikiš suremb ristitišt oli 1 625 631 eläjad vl 2020.

Avtobusad, trolleibusad, tramvaid, ezilidnelektrojonused da taksid oma kundaližeks transportaks. Vspäi 1986 metro radab lidnas (kaik om kaks' jonod, 13 stancijad da 15,9 km raudted vl 2018). Koume avtotesildad da kaks' raudtesildad om saudud Obiš päliči. Jogiport om olmas lidnas. Rahvahidenkeskeine civiline Tolmačovo-lendimport (OVB/ТЛЧ) sijadase 17 km päivlaskmha lidnan keskusespäi Ob'-lidnan röunal, tehtas reisid Evropan, Päivnouzmaižen Azijan (jügureisid tobjimalaz) i Keskuzazijan maihe, mugažo Venämadme i čarterrreisid Tailandha.

Lidnan nägud[redaktiruida | redaktiruida purde]

Lidnan merii (2014)
Lidnan keskuzpalas (2013)
Uded pertid Stanislavskijan torgul (2008)
Sündun Voznesenjan kafedraline päjumalanpert', vn 2011 nägu
Novosibirskan LEK-5
Tinkombinat i sen tulend vl 2011
«Elektroagregat»-tegimen kontor vl 2011
Novosibirskan valdkundaline universitet, uz' sauvuz (2015)
Novosibirskan valdkundaline tehnine universitet, 1. korpus (2008)
Valdkundaline koncertzal Arnol'd Kacan nimed, Novosibirskan filarmonii (2013)
«Globus»-teatr (2006)
«Rojal Park»-torguimižbobuštuzkeskuz (2008)
«Spartak»-stadion (2008)
Tolmačovo-lendimportan rahvahidenkeskeine terminal vl 2006
Novosibirskan metrosild vn 2021 vilukus
Novosibirsk-Päine-päraudtestancijan sauvuz vn 2015 augotišes

Sebruzlidnad[redaktiruida | redaktiruida purde]

AÜV Minneapolis, Minnesot, AÜV (vspäi 1989)
AÜV Sent Pol, Minnesot, AÜV (1989)
Japonii Sapporo, Japonii (1990)
Kitai Män'jän, Sičuan', Kitai (1994)
Korejan Tazovaldkund Tedžon, Korejan Tazovaldkund (2001)
Bolgarii Varn, Bolgarii (2008)
Kirgizstan Oš, Kirgizii (2009)

Ukrain Har'kov, Ukrain (2011)
Vaugedvenäma Minsk, Vaugedvenäma (2012)
Kitai Šen'jän, Läonin, Kitai (2013)
Venäma/Ukrain Sevastopol', Venäma/Ukrain (2014)
Venäma Orel, Venäma (2014)
Armenii Jerevan, Armenii (2014)

Homaičendad[redaktiruida | redaktiruida purde]

↑ Venälaižen Federacijan kaikenaigaižen ristitišton lugu municipalitetoidme vn 2021 1. päiväl vilukud. — Rosstat.gov.ru. (ven.)

Irdkosketused[redaktiruida | redaktiruida purde]

Novosibirskan Ezitajiden Nevondkundan oficialine sait (gorsovetnsk.ru). (ven.)
Lidnan tobmuden aluzkundoiden oficialine sait (novo-sibirsk.ru). (ven.) (angl.) (saks.) (kit.)
Novosibirskan irdaližed vebkamerad web-online24.ru-saital.

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Venälaižen Federacijan kaikenaigaižen ristitišton lugu municipalitetoidme vn 2021 1. päiväl vilukud. — Rosstat.gov.ru. (ven.)

[1]