Kupino (Novosibirskan agj)

Vikipedii-späi
Kupino
Купино
 Lidnanznam
 Flag
Valdkund Venäma
Eläjiden lugu (2021) 13,711 ristitud
Pind 30,08 km²
Kupino Купино
Pämez' Anatolii Ševčenko
(tal'vku 2015—)
Telefonkod +7−38 358-xx-xxx
Avtokod 54, 154
Aigvö UTC+7 (MSK+4)


Kupino (ven.: Ку́пино) om Venäman lidn da lidnankund Novosibirskan agjan suvipäivlaskmas. Se om Kupinon rajonan administrativine keskuz.

Istorii[vajehta | vajehtada tekst]

Eländpunktan aluz om pandud vl 1886. Vl 1915 raudte ühtenzoiti žilod Transsibanke (Tatarsk-lidn), kävutihe vemha villäd. Žilo sai lidnan statusad vl 1944.

Kupino šingotase vagonoiden kohenduzkompanijal, maidtegimel i jähižen edheotandal.

Geografijan andmused[vajehta | vajehtada tekst]

Lidn sijadase 115 m ü.m.t. keskmäižel korktusel. Nell' pen't järved sijadasoiš lidnan suves. Matkad Kazahstanan röunhasai om 30 km päivlaskmha orhal, Novosibirskhasai om 368 km päivnouzmha orhal, 480 km avtotedme vai raudtedme. Lähembaine lidn om Karasuk 85 km suvipäivnouzmha orhal, 96 km avtotedme vai raudtel.

Kupino om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 15 400 ristitud, rajonan pol'. Kaikiš suremb lidnan ristitišt oli 23 185 eläjad vl 1959.

Ortodoksižen hristanuskondan kaks' pühäpertid[1][2] om olmas lidnas: Luka-evangelistan i Sündun Toižetamižen jumalanpertid.

Professionaližen opendusen aluzkundad: Kupinon medicinine tehnikum[3] i rajonidenkeskeine agrarine licei.

Homaičendad[vajehta | vajehtada tekst]

  1. Kupinon pühäpertid sobory.ru-saital. (ven.)
  2. Kupino — Sündun Toižetamižen pühäpert' eparhijan pravkarasuk.ru-saital. (ven.)
  3. Kupinon medicinižen tehnikuman sait (kupino-kmt.edusite.ru). (ven.)

Irdkosketused[vajehta | vajehtada tekst]



Novosibirskan agjan lidnad
Barabinsk | Berdsk | Bolotnoje | Čerepanovo | Čulim | Iskitim | Karasuk | Kargat | Kuibišev | Kupino | Novosibirsk | Ob' | Tatarsk | Togučin