Ob' (lidn)

Vikipedii
Mine navigeerimisribale Mine otsikasti
Ob'
Обь
 Lidnanznam
Ob COA (2004).gif
 Flag
Flag of Ob (Novosibirsk oblast).png
Valdkund Venäma
Eläjiden lugu (2021) 30,131 ristitud
Pind 21,95 km²
Ob' Обь
Pämez' Pavel Bukovinin
(uhoku 2020—)
Telefonkod +7−38 373-xx-xxx
Avtokod 54, 154
Aigvö UTC+7 (MSK+4)


Ob' (ven.: Обь) om Venäman lidn da lidnümbrik Novosibirskan agjan päivnouzmas. Se om Novosibirskan päivlaskmaine ezilidn.

Istorii[redaktiruida | redaktiruida purde]

Ob'-raudtestancii om saudud Transsibal vl 1895, kävutihe sidä bazaks sauvomha raudtesildad Ob'-joges päliči vll 1893−1897. Nimitihe stancijad jogen mödhe, hot' se jokseb 10 kilometras žilospäi.

Eländpunktan aluz om pandud vl 1934 žiloks Ob'-raudtestancijanno. Vl 1947 ühtištuihe Tolmačovo-žilon palanke da kätihe lidnanvuiččeks žiloks. Žilo sai lidnan statusad vl 1969. Om lidnaks oiktanke alištusenke agjan tobmudele vspäi 1989.

Ob'-lidn šingotase Tolmačovo-lendimportal (vspäi 1957), lendimiden i raudten kohenduzedheotandoil, libutimiden tegimel i uksiden edheotandal, om «Sibir'»-aviakompanijan päfateraks (se-žo «S7 Airlines», kahtenz' surtte valdkundas). Severz'-se sodapalakundoid sijadasoiš lidnas.

Geografijan andmused[redaktiruida | redaktiruida purde]

Lidn sijadase 110 m ü.m.t. keskmäižel korktusel. Vlasih-jogi (ven.: Власиха, Obin hura ližajogi) jokseb pidust' lidnan pohjoižpäivnouzmašt röunad, Ob'-lidnan i Novosibirskan keskes. Matkad Novosibirskan röunhasai om 1 km päivnouzmha orhal, avtotedme vai raudtedme. Transsib i «Irtiš»-avtote (R-254) jagadas lidnad kaks'haz. Lendimport om saudud lidnan pohjoižes.

Seižutezplatform 3307. km-eländpunkt (ven.: Остановочная Платформа 3307 км, 63 rist. vl 2017) mülüb lidnümbrikho Ob'-lidnan ližaks.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 25 382 ristitud, lidnümbrikon — 25 725 ristitud. Kaikiš suremb lidnan ristitišt om nügüd'. Vl 2018 kaik 29 499 ristitud elihe lidnümbrikos.

Ortodoksižen hristanuskondan ph. Tihon Donantagaižen jumalanpert'[1] om olmas vspäi 2008, i ph. Sergii Radonežalaižen časoun' (om saudud vl 2011).

Professionaližen opendusen aluzkund om buhgalteroiden ližakvalifikacijan škol, toižed lähižed aluzkundad sijadasoiš Novosibirskas.

Edeline lidnan pämez' om Aleksandr Mozžerin (uhoku 2015 — viluku 2020).

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Ob'-lidnan pühäpertid sobory.ru-saital. (ven.)

Irdkosketused[redaktiruida | redaktiruida purde]



Novosibirskan agjan lidnad
Barabinsk | Berdsk | Bolotnoje | Čerepanovo | Čulim | Iskitim | Karasuk | Kargat | Kuibišev | Kupino | Novosibirsk | Ob' | Tatarsk | Togučin