Bolotnoje

Bolotnoje
Болотное
Lidnanznam;	Flag;
Valdkund	Venäma
Eläjiden lugu (2021)	15,344 ristitud
Pind	73,05 km²
Pämez'	Sergei Kravec; (keväz'ku 2020—)
Telefonkod	+7−38 349-xx-xxx
Avtokod	54, 154
Aigvö	UTC+7 (MSK+4)

Bolotnoje (ven.: Боло́тное) om Venäman lidn da lidnankund Novosibirskan agjan pohjoižpäivnouzmas. Se om Bolotnojen rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1805 Bolotnoje-küläks počtstancijanno Moskvan traktal, mainitase mugažo kut Bolotninskoje. Vl 1896 Transsiban sauvomine tuli žilho, i Bolotnai-raudtestancii radab. Vspäi 1931 oli radnikžiloks. Vn 1943 12. päiväl kül'mkud anttihe sille lidnan statusad. Suren sodan aigan sijazihe Bolotnojehe evakuiruidud ristituid Ukrainaspäi i omblendfabrikad Ukrainan Nikolajev-lidnaspäi.

Bolotnoje šingotase raudten edheotandoil, sauvondmaterialiden pästandal (savič), omblendfabrikal, kartonpakuiteztegimel.

Geografijan andmused[redaktiruida | redaktiruida purde]

Lidn sijadase Lavin-jogen i sen penen vezivaradimen oiktal randal (ven.: Лавина, Tomin hurapol'ne bassein), Päivlaskmaižen Sibirin tazangišton suvipäivnouzmas, 200 m ü.m.t. keskmäižel korktusel. «Sibir'»-avtote (R-255) om Bolotnojen suviröunaks. Matkad Kemerovon agjhasai om 10 km päivnouzmha orhal, Novosibirskhasai om 117 km suvipäivlaskmha orhal, 132 km avtol vai 123 km raudtedme. Lähembaine lidn om Jurg (Kemerovon agj) 30 km pohjoižhe orhal vai Transsibadme, 50 km avtol.

Bolotnoje om lidnankundan üks'jäine eländpunkt. Lidnankundan pind — 73,05 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 16 570 ristitud, rajonan viž ühesandest. Kaikiš suremb ristitišt oli 26 762 eläjad vl 1959.

Ortodoksižen hristanuskondan Mikulai-čudonsädajan puine jumalanpert' (1946), Mikoi-arhangelan jumalanpert' (om saudud vodele 2008) i baptizman pühäpert' oma olmas lidnas.

Bolotnojen pedagogine kolledž^[1] om professionaližen opendusen aluzkundaks.

Edeline lidnan pämez' om Oksana Babickaja (reduku 2017 — keväz'ku 2020).

Galerei[redaktiruida | redaktiruida purde]

Memorialine sodakompleks i pühäpert' tagamal, vn 2019 nägu
Bolotnai-päraudtestancijan sauvuz vl 2021
Znam lidnan röunal (2019)

Homaičendad[redaktiruida | redaktiruida purde]

↑ Bolotnojen pedagogižen kolledžan sait (pk.bol.edu54.ru). (ven.)

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (bolotnoecity.nso.ru). (ven.)

Bolotnoje Vikiaitas

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[1] Bolotnojen pedagogižen kolledžan sait (pk.bol.edu54.ru). (ven.)

[1]