Kargat (lidn)

Kargat
Каргат
	Lidnanznam;
Valdkund	Venäma
Eläjiden lugu (2021)	8,316 ristitud
Pind	69 km²
Pämez'	Jevgenii Kozik; (tal'vku 2022—)
Telefonkod	+7−38 365-xx-xxx
Avtokod	54, 154
Aigvö	UTC+7 (MSK+4)

Kargat (ven.: Карга́т) om Venäman lidn da lidnankund Novosibirskan agjan keskuzpalas. Se om Kargatan rajonan administrativine keskuz.

Istorii

Eländpunktan aluz om pandud sodavägiden sijaduseks 18. voz'sadan keskuses, nimitihe jogen mödhe. Vl 1957 kätihe radnikžiloks. Se sai lidnan statusad vn 1965 sügüz'kul uden rajonan keskusen statusanke ühtes.

Kargat om maižanduzrajonan keskuseks, šingotase tegimištoližkombinatal i sömtegimištol (lihakombinat, paštatesen sijad).

Geografijan andmused

Lidn sijadase rajonan keskuzpalan pohjoižes, Kargat-jogen (387 km pitte) randoil sen keskjoksmuses (vedhudetoman Čani-järven bassein), 130 m ü.m.t. keskmäižel korktusel.

Matkad Novosibirskhasai om 169 km päivnouzmha orhal, 182 km avtol vai raudtedme. Lähembaine lidn om Čulim 42 km päivnouzmha orhal, 50 km «Irtiš»-avtotedme (R-254) vai Transsib-raudtel.

Tobmuz

Kaik kaks' pen't žilod (kaik 13 rist. vl 2017) mülüdas lidnankundha Karasukan ližaks: Kapralovo-blokpost i Kazarm 3144 km. Lidnankundan pind — 281,57 km².

Lidnankundan tobmuden pämez' om sen Administracijan pämez'. Edeline lidnan Administracijan pämez' om Vladimir Ponomarenko (reduku 2017 — tal'vku 2022). Lidnan Deputatoiden nevondkundan ezimez' om Jurii Kas'janov vn 2020 redukuspäi. Edeline nevondkundan ezimez' om Aleksandr Čubko (tal'vku 2015 — reduku 2020).

Eläjad

Vn 2010 Venäman rahvahanlugemižen mödhe lidnan eläjiden lugu oli 10 042 ristitud, lidnankundan — 10 059 ristitud, rajonan koume videndest. Vn 2021 rahvahanlugemižen mödhe lidnan ristitišt oli 8 316 eläjad. Kaik 9 519 eläjad oli lidnas vl 2017. Kaikiš suremb lidnan ristitišt oli 12..13 tuh. eläjid vll 1959−2001 (13 100 rist. vl 1996).

Ortodoksižen hristanuskondan ph. Illä-endustajan jumalanpert'^[1] om saudud vll 2010−2013.

Lapsiden opendusen aluzkundad oma nell' päivkodid, koume keskškolad (nomer 1, 2, 3), čomamahtoiden škol, lapsiden da norišton «Atlant»-sportškol. Kolivanin agrarižen kolledžan (Kolivan'-radnikžilo) palakund^[2] om lidnan professionaližen opendusen aluzkundaks.

Galerei

Vezičuhunduz i pompstancii raudtestancijanno (2008)
Kargat-päraudtestancijan sauvuz vl 2008

Homaičendad

Irdkosketused

Lidnan tobmuden aluzkundoiden oficialine sait (admkargat.nso.ru). (ven.)

Kargat (lidn) Vikiaitas

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[1] Kargatan pühäpertid sobory.ru-saital. (ven.)

[2] Kargatan palakund Kolivanin agrarižen kolledžan ksxt.ru-saital. (ven.)

[1]

[2]