Togučin

Togučin
Тогучин
Lidnanznam;	Flag;
Valdkund	Venäma
Eläjiden lugu (2021)	20,766 ristitud
Pind	72,63 km²
Pämez'	Sergei Borutenko; (uhoku 2021—)
Telefonkod	+7−38 340-xx-xxx
Avtokod	54, 154
Aigvö	UTC+7 (MSK+4)

Togučin (ven.: Тогучи́н) om Venäman lidn da lidnankund Novosibirskan agjan päivnouzmas. Se om Togučinan rajonan administrativine keskuz.

Istorii

Eländpunktan aluz om pandud vl 1867 kuti Togučin-külä. Kätihe sidä žiloks (ven.: село) vl 1911, udessätud külänevondkundan keskuseks vn 1920 vilukus. Vl 1929 zavottihe «Novosibirsk — Kuzbass»-raudten sauvondad külänno, raudten edheotandad toižetiba sidä, i vl 1932 kätihe žilod Togučinan rajonan keskuseks. Vl 1936 Togučin sai radnikžilon statusad. Vn 1945 30. päiväl sulakud anttihe lidnan statusad.

Togučin šingotase pompstancijoiden tegimel, sömtegimištol (oludenkeitim, leibtegim, maidedheotand), villänpurnuil, pilindmaterialiden edheotandal.

Geografijan andmused

Lidn sijadase Inänjogen (ven.: Иня́) randoil, 150 m ü.m.t. keskmäižel korktusel. Inän pen' Togučink-ližajogi lankteb oiktalpäi.

«Novosibirsk — Novokuzneck»-raudte läbitab lidnad, sen Togučin-raudtestancii om saudud jogen hural randal. Kaks' avtotesildad ühtenzoittas jogen randoid. Matkad Kemerovon agjhasai om 25 km pohjoižpäivnouzmha orhal, Novosibirskan keskushesai om 97 km päivlaskmha orhal, 110 km avtol vai raudtedme, röunhasai — 100 km. Lähembaine lidn om Bolotnoje 48 km pohjoižhe orhal vai 70 km avtotedme.

Tobmuz

Togučin om lidnankundan üks'jäižeks eländpunktaks. Lidnankundan pind — 72,63 km².

Lidnankundan tobmuden pämez' om sen Administracijan pämez'. Edeline lidnan pämez' om Sergei Gončarov (1997 — uhoku 2021). Lidnan Deputatoiden nevondkundan ezimez' om Galina Prestinskaja.

Eläjad

Vn 2010 Venäman rahvahanlugemižen mödhe lidnan eläjiden lugu oli 21 500 ristitud, rajonan koumandez, vn 2021 — 20 766 ristitud. Kaik 21 159 eläjad oli lidnas vl 2017. Kaikiš suremb lidnan ristitišt oli 23 700 eläjad vll 1996−1998.

Ortodoksižen hristanuskondan koume pühäpertid^[1] oma kaičenus i saudud lidnas: ph. Serafim Sarovalaižen jumalanpert' (om avaitud vspäi 1993 kohetud pertiš) i kaks' časounäd.

Lapsiden opendusen aluzkundad oma severz'-se päivkodid, nell' keskškolad (nomer 1..4), sädamižen šingotesen keskuz, muzikškol, sportškol. Togučinan politehnine kolledž^[2] (ende mechoz-tehnikum) om lidnan professionaližen opendusen aluzkundaks.

Homaičendad

Irdkosketused

Lidnan tobmuden sait (admtog.nso.ru). (ven.)

Togučin Vikiaitas

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[1] Togučinan pühäpertid sobory.ru-saital. (ven.)

[2] Togučinan politehnižen kolledžan sait (toglht.ru). (ven.)

[1]

[2]