Barabinsk

Barabinsk
Барабинск
Lidnanznam;	Flag;
Valdkund	Venäma
Eläjiden lugu (2020)	28,704 ristitud
Pind	69,48 km²
Pämez'	Roman Bobrov; (tal'vku 2017—)
Telefonkod	+7−38 361-xx-xxx
Avtokod	54, 154
Aigvö	UTC+7 (MSK+4)

Barabinsk (ven.: Бара́бинск, sibirin totaran kelel: Көгүтей-тура) om Venäman lidn da lidnankund Novosibirskan agjan päivlaskmaižen palan keskuses. Se om Barabinskan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1893 žiloks raudtestancijanno sauvomha da holitamha Transsib-raudted. Vl 1917 anttihe žilole lidnan statusad.

Barabinsk šingotase raudten edheotandoil (koume vedimdepod i vagonoiden kohenduzdepo, raudten distancii), «Sibpromsväz'»-tegimel (konstrukcijad i materialad sauvomha joksuzoigendamižpirdoid) i sömtegimištol (oluden i leibän edheotandad, maidtegim, kalankazvatuz, kombisötken tegim).

Geografijan andmused[redaktiruida | redaktiruida purde]

Lidn sijadase Päivlaskmaižen Sibirin tazangišton Barabinskan alangištos, 115 m ü.m.t. keskmäižel korktusel. Nell' järved om lidnan pohjoižpäivnouzmaižel röunal. Matkad Novosibirskaspäi om 293 km päivlaskmha orhal, 315 km avtol vai raudtedme. Lähembaine lidn om Kuibišev kuz' kilometrad pohjoižhe orhal, raudtel (ajelemha jüguid vaiše) vai avtotedme.

Barabinsk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 30 394 ristitud, rajonan kaks' koumandest. Kaik 29 122 eläjad oli lidnas vl 2017. Kaikiš suremb ristitišt oli 36..40 tuh. eläjid vll 1959−2001 (40 878 eläjad vl 1959).

Ortodoksižen hristanuskondan nell' pühäpertid^[1] oma avaitud lidnas: Jumalanmaman «Kaikiden gorähižiden ilo»-jumalaižen pühäpert' (om pühästadud vl 1998 Jumalanmaman Katken pühäpertikš), puine phh. Petran da Fevronijan jumalanpert' (vspäi 2017), ph. Jurgii-vägestusenkandajan jumalanpert' (vspäi 1997) kaumžomal i časoun'.

Barabinskan medicinine kolledž^[2] i Novosibirskan agjan kul'turan da čomamahtoiden kolledžan filial oma lidnan professionaližen opendusen aluzkundoikš.

Galerei[redaktiruida | redaktiruida purde]

Jumalanmaman «Kaikiden gorähižiden ilo»-jumalaižen pühäpert', vn 2016 nägu
Puruvedim-muštnik (2013)
Barabinsk-päraudtestancijan sauvuz vl 2008

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (barabinsk.nso.ru). (ven.)

Barabinsk Vikiaitas

	Novosibirskan agjan lidnad
	Barabinsk \| Berdsk \| Bolotnoje \| Čerepanovo \| Čulim \| Iskitim \| Karasuk \| Kargat \| Kuibišev \| Kupino \| Novosibirsk \| Ob' \| Tatarsk \| Togučin

[1] Barabinskan pühäpertid sobory.ru-saital. (ven.)

[2] Barabinskan medicinižen kolledžan sait (medbrb.ru). (ven.)

[1]

[2]