Jurg

Jurg
Юрга

Lidnanznam	Flag
Valdkund	Venäma
Eläjiden lugu (2021)	79,693 ristitud
Pind	44,8 km²
Pämez'	Aleksei Fomin (sügüz'ku 2019—)
Telefonkod	+7−38 451-xx-xxx
Avtokod	42, 142
Aigvö	UTC+7 (MSK+4)

Jurg (ven.: Юрга́) om Venäman lidn da lidnümbrik Kemerovon agjan lodehes. Se om agjan seičemenz' lidn eläjiden lugun mödhe, mugažo Jurgan rajonan administrativižeks keskuseks.

Istorii

Eländpunktan aluz om pandud vl 1886. Kätihe radnikžilod lidnaks vl 1949.

Jurg šingotase mašiništonsauvomižen tegimil (kaivuzmašiništ, mašiništ farmaceftižen i parfümerižen sarakoiden täht), raudan ühthesuladusiden edheotandal, sauvondmaterialiden sarakol (raudbetontegesed, katuz- i gidromaterialad, lämuzizoläcii), sömtegimištol (maid- i leibproduktad, konditerižed tegesed, olud, gaziruidud jomad, puhthan i mineraližen veden pakuitez, torpan kazvatandan tegim).

Geografijan andmused

Lidn sijadase Tom'-jogen hural randal (Obin oigedpol'ne bassein), 150 m ü.m.t. keskmäižel korktusel.

Lähembaižed järedad lidnad oma Kemerovo 110 km suvipäivnouzmha, Tomsk 100 km pohjoižhe i Novosibirsk 170 km päivlaskmha.

Tobmuz

Jurg om lidnümbrikon üks'jäižeks eländpunktaks.

Edeline lidnümbrikon pämez' om Sergei Popov (kezaku 2011 — sügüz'ku 2019).

Eläjad

Vn 2010 Venäman rahvahanlugemižen mödhe lidnan eläjiden lugu oli 81 533 ristitud, vn 2021 — 79 693 ristitud. Kaik 81 733 eläjad oli lidnas vl 2017. Kaikiš suremb lidnan ristitišt oli 94 300 eläjad vl 1992.

Rahvahad (enamba 0,4 % vl 2010): venälaižed — 93,2 %, totarlaižed — 2,5 %, saksalaižed — 1,2 %, ukrainalaižed — 0,7 %, armenijalaižed — 0,4 %, toižed rahvahad — 2,0 %.

Lapsiden opendusen aluzkundad oma severz'-se päivkodid, keskškolad. Professionaližen opendusen aluzkundad oma Jurgan tehnologine kolledž, kaks' tehnikumad, tehnologine institut (Tomskan politehnižen universitetan filial), Kemerovon valdkundaližen universitetan filial.

Galerei

• 
  Memorial sijaližile pölištunuzile Suren sodan aigan sodamehile (2013)
• 
  L-klassan puruvedim-muštnik päraudtestancijanno (2017)
• 
  «Pobeda»-kul'turkeskuz (2008, Vägestuz)
• 
  Jurg I-päraudtestancijan sauvuz vl 2014

Irdkosketused

• Lidnan Rahvahan Ezitajiden Nevondkundan oficialine sait (sovet.yurga.org). (ven.)
• Lidnan Administracijan oficialine sait (yurga.org). (ven.)