Jurg

Jurg
Юрга
Lidnanznam;	Flag;
Valdkund	Venäma
Eläjiden lugu (2025)	77,092 ristitud
Pind	44,8 km²
Pämez'	Aleksei Fomin; (sügüz'ku 2019—)
Telefonkod	+7−38 451-xx-xxx
Avtokod	42, 142
Aigvö	UTC+7 (MSK+4)

Jurg (ven.: Юрга́) om Venäman lidn da lidnümbrik Kemerovon agjan lodehes. Se om agjan seičemenz' lidn eläjiden lugun mödhe, mugažo Jurgan rajonan administrativižeks keskuseks, ei mülü sihe.

Istorii

Eländpunktan aluz om pandud vl 1886. Kätihe radnikžilod lidnaks vl 1949. Saudihe Jurgad eländpunktan generaližiden planoiden mödhe vspäi 1946.

Jurg šingotase mašiništonsauvomižen tegimil (kaivuzmašiništ, mašiništ farmaceftižen i parfümerižen sarakoiden täht), raudan ühthesuladusiden edheotandal, sauvondmaterialiden sarakol (raudbetontegesed, katuz- i gidromaterialad, lämuzizoläcii), sömtegimištol (maid- i leibproduktad, konditerižed tegesed, olud, gaziruidud jomad, puhthan i mineraližen veden pakuitez, torpan kazvatandan tegim).

Geografijan andmused

Lidn sijadase Tom'-jogen hural randal (Obin oigedpol'ne bassein), 150 m ü.m.t. keskmäižel korktusel. Röunatab Jaškinon rajonanke päivnouzmas, Jurgan rajonan territorii levitase suvhe, päivlaskmha i lodeheze lidnaspäi.

Lähembaižed järedad lidnad oma Kemerovo 110 km suvipäivnouzmha, Tomsk 100 km pohjoižhe i Novosibirsk 170 km päivlaskmha.

Tobmuz

Jurg om lidnümbrikon üks'jäižeks eländpunktaks.

Edeline lidnümbrikon pämez' om Sergei Popov (kezaku 2011 — sügüz'ku 2019).

Eläjad

Vn 2010 Venäman rahvahanlugemižen mödhe lidnan eläjiden lugu oli 81 533 ristitud, vn 2021 — 79 693 ristitud. Kaik 81 733 eläjad oli lidnas vl 2017. Kaikiš suremb lidnan ristitišt oli 94 300 eläjad vl 1992.

Rahvahad (enamba 0,4 % vl 2010): venälaižed — 93,2 %, totarlaižed — 2,5 %, saksalaižed — 1,2 %, ukrainalaižed — 0,7 %, armenijalaižed — 0,4 %, toižed rahvahad — 2,0 %.

Ortodoksižen hristanuskondan nell' pühäpertid^[1] oma saudud lidnas: Joann-endustajan Sündundpäivän kafedraline päjumalanpert' (om sätud vll 1993−1995), kaks' jumalanpertid i ph. Jurgii-vägestusenkandajan pühäpert'-časoun'. Pühän Hengen tulendan riman katoline jumalanpert' om letud. Severz'-se protestantizman jumalanpertid oma avaitud: Sibirin lüteranine, baptizman, vižkümnenden päivän uskojiden üksin, i viž evangelijan hristanuskojiden nimitadud pühäpertid.

Openduz

Lapsiden opendusen aluzkundad oma severz'-se päivkodid, augotižškol nomer 5, kaks' aluzškolad (nomer 3 i 15), seičeme keskškolad (nomer 1, 2, 6, 8, 9, 10, 14), lidnan gimnazii i licei, specialine škol-internat. Ližaopendusen büdžetižed aluzkundad oma lapsiden da norišton keskuz, lapsiden (norišton) tehnižen sädamižen keskuz, muzikškol nomer 18, čomamahtoine škol nomer 7, horeografine «Spektr»-škol, viž sportškolad (nomer 1, 2, «Atlant», «Snaiper» i «Parus» (Pureh)).

Professionaližen opendusen aluzkundad oma Jurgan tehnologine kolledž^[2], kaks' tehnikumad (agrotehnologijoiden da servisan^[3], mašinansauvomižen i informacižtehnogijoiden^[4]), tehnologine institut^[5] (Tomskan politehnižen universitetan filial), Kemerovon valdkundaližen universitetan filial.

Galerei

Memorial sijaližile pölištunuzile Suren sodan aigan sodamehile (2013)
L-klassan puruvedim-muštnik päraudtestancijanno (2017)
«Pobeda»-kul'turkeskuz (2008, Vägestuz)
Jurg I-päraudtestancijan sauvuz vl 2014

Homaičendad

Irdkosketused

Jurg Vikiaitas

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[1] Jurgan pühäpertid sobory.ru-saital. (ven.)

[2] Jurgan tehnologižen kolledžan sait (ytk.kemobl.ru). (ven.)

[3] Jurgan agrotehnologijoiden da servisan tehnikuman sait (utais.ru). (ven.)

[4] Jurgan mašinansauvomižen i informacižtehnogijoiden tehnikuman sait (utmiit.kemobl.ru). (ven.)

[5] Jurgan tehnologižen institutan sait (uti.tpu.ru). (ven.)

[1]

[2]

[3]

[4]

[5]