Taštagol

Taštagol
Таштагол
	Lidnanznam;
Valdkund	Venäma
Eläjiden lugu (2025)	21,209 ristitud
Pind	79 km²
Pämez'	Denis Detkov; (kül'mku 2023—)
Telefonkod	+7−38 473-xx-xxx
Avtokod	42, 142
Aigvö	UTC+7 (MSK+4)

Taštagol (ven.: Таштаго́л, šorijan kel': Таштағол) om Venäman lidn da lidnankund Kemerovon agjan suves. Se om Taštagolan rajonan administrativine keskuz, mülüb sihe vspäi 2005.

Istorii

Eländpunktan aluz om pandud vl 1939 žiloks raudkivendon löudmižsijanno. Vl 1963 ühtištadihe Taštagol-, Kočur- (ven.: Кочура) i Šalim-žiloid, anttihe lidnan statusad.

Taštagol šingotase raudkivendon samižel Novokuzneckan metallurgijan täht tobman palan.

Geografijan andmused

Lidn sijadase rajonan keskuzpalan suvipäivlaskmas, Kondom-jogen muugotil randoil (ven.: Ко́ндома 392 km pitte, Obin oigedpol'ne bassein), 423..478 m korktusil, 450 m ü.m.t. keskmäižel korktusel. Kočur- (hura) i Šalim- (oiged) ližajoged langetas Kondomanjogehe lidnan päivlaskmas.

Matkad Kemerovohosai om 311 km lodeheze-pohjoižhe orhal, 375 km avtol vai raudtedme. Lähembaine lidn om Kaltan 92 km lodeheze-pohjoižhe orhal, 141 km avtol vai 160 km raudtedme. Vspäi 2008 avtote ühtenzoitab lidnad Mägialtajanke.

Tobmuz

Taštagol om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Edeline Administracijan pämez' om Aleksei Putincev (reduku 2010 — sügüz'ku 2023). Lidnan Rahvahandeputatoiden nevondkundan ezimez' om Vladimir Trofimov vn 2010 tal'vkuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 23 134 ristitud, rajonan kaks' videndest, vn 2021 — 21 980 ristitud. Kaik 23 107 eläjad oli lidnas vl 2017. Kaikiš suremb lidnan ristitišt oli 28 tuh. eläjid vl 1967.

Ortodoksižen hristanuskondan ph. Jurgii-vägestusenkandajan päjumalanpert'^[1] (om saudud vll 1992−2002) i časoun' oma saudud da avaitud lidnas. Šorijalaižiden etnografine muzei radab mugažo.

Lapsiden opendusen aluzkundad oma üks'toštkumne nimitadud da nomeruidud päivkodid (nomer 2..8, 10..12, 14), koume aluzškolad (nomer 1, 6, 8), kaks' keskškolad (nomer 9 i 10), gimnazii (nomer 2), specialine (korrekcine) škol-internat 8. toižendan nomer 19, armotomiden lapsiden Rodnik-kodi-škol («Purde»), lapsiden da norišton Sozvezdije-keskuz («Tähthišt»), čomamahtoiden škol nomer 68 (edel 2014. vot rajonan muzikškol nomer 27 i rajonan čomamahtoine škol nomer 15), olimpižen varan sportškol mägisuksiden sportas. Taštagolan kaivuztehnologijoiden da holitišiden sferan tehnikum^[2] om lidnan professionaližen opendusen aluzkundaks.

Galerei

Jurgii-vägestusenkandajan päjumalanpert', vn 2009 nägu
Taštagol-päraudtestancii vl 2009

Homaičendad

Irdkosketused

Taštagolan lidnankundan tobmuden aluzkundoiden sait (admtash.my1.ru). (ven.)

Taštagol Vikiaitas

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[1] Taštagolan pühäpertid sobory.ru-saital. (ven.)

[2] Taštagolan kaivuztehnologijoiden da holitišiden sferan tehnikuman sait (ttgtiso.kemobl.ru). (ven.)

[1]

[2]