Taig (lidn)

Taig
Тайга

Lidnanznam	Flag
Valdkund	Venäma
Eläjiden lugu (2025)	21,717 ristitud
Pind	57,5 km²
Pämez'	Mihail Teremeckii (tal'vku 2017—)
Telefonkod	+7−38 448-xx-xxx
Avtokod	42, 142
Aigvö	UTC+7 (MSK+4)

Taig (ven.: Тайга́) om Venäman lidn da raudtesol'm Kemerovon agjan lodehes. Se om Taigan lidnümbrikon administrativine keskuz (vspäi 2005).

Istorii

Eländpunktan aluz om pandud sokhaze tahondha vl 1896 kuti Tomsk-Tajožnii-žilo sauvomha da holitamha Transsib-raudted da sen sarakod Tomskhasai. Žilo šingotihe teravas, saudihe nell' pühäpertid i ristitišt saihe kümnehe tuhazesai, kätihe Tomskan gubernijan lidnaks nügüdläiženke nimenke vn 1911 27. päiväl vilukud. Vll 1925−1943 mülüi Novosibirskan agjaha lidnaks agjan alištusenke.

Taig-lidn šingotase raudten edheotandoil (vedimiden i vagonoiden kohenduzdepod), mugažo omblendfabrik radab.

Geografijan andmused

Taigan lidnümbrikon sijaduz agjas vn 2015 kartal

Lidn sijadase ümbrikon suvipäivlaskmas, Jai-jogen keskjoksmusen hural randpolel (ven.: Я́я 380 km pitte, Čuliman hura ližajogi), 250 m ü.m.t. keskmäižel korktusel. Lidnümbrik röunatab Jajan rajonanke pohjoižpäivnouzmas, Anžero-Sudženskan ümbrikonke päivnouzmas, Jaškinon ümbrikonke suves i päivlaskmas, Tomskan agjanke pohjoižes.

Matkad lidnaspäi Tomskan agjan röunhasai om kaks'kümne kilometrad pohjoižhe orhal, Kemerovohosai om kahesakümne nell' kilometrad suvipäivnouzmha orhal, 103 km avtotedme vai raudtel. Lähembaine lidn om Anžero-Sudžensk 25 km päivnouzmha orhal vai raudtel, 65 km avtotedme. Lähembaine lendimport om Tomskan «Bogaševo» 60 km lodeheze raudtedme.

Tobmuz

Kaik kaks' žilod da koume elänzoittud raudtesarad mülüdas lidnümbrikho Taigan ližaks. Lidnümbrikon pind — 553,44 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 25 331 ristitud, lidnümbrikon — 27 424 ristitud, vn 2021 — 22 375 ristitud. Kaik 24 183 eläjad oli lidnas i 26 016 eläjad kaikes lidnümbrikos vl 2017. Kaikiš suremb lidnan ristitišt oli 33 860 eläjid vl 1959.

Lapsiden opendusen aluzkundad oma päivkodid, keskškolad. Teiden tehnine škol i Taigan raudtetransportan institut (mülüb Omskan ühtenzoituzteiden valdkundaližhe universitetha) oma lidnan professionaližen opendusen aluzkundoikš.

Galerei

• 
  Vezičuhunduz (2011)
• 
  Istorine Mangazov-torgovanan lauk vn 2010 tal'vkus
• 
  P36-klassan puruvedim-muštnik (2012)
• 
  Taig-päraudtestancii vl 2009

Irdkosketused

• Lidnümbrikon Rahvahandeputatoiden nevondkundan sait (sndtgo.ru). (ven.)
• Lidnümbrikon Administracijan oficialine sait (adm-tayga.ru). (ven.)