Meždurečensk

Vikipedii
Mine navigeerimisribale Mine otsikasti
Meždurečensk
Междуреченск
 Lidnanznam
Coat of Arms of Mezhdurechensk (Kemerovo oblast).png
 Flag
Flag of Mezhdurechensk (Kemerovo oblast).png
Valdkund Venäma
Eläjiden lugu (2021) 96,088 ristitud
Pind 332,56 km²
Meždurečensk Междуреченск
Pämez' Vladimir Černov
(reduku 2018—)
Telefonkod +7−38 475-xx-xxx
Avtokod 42, 142
Aigvö UTC+7 (MSK+4)


Meždurečensk (ven.: Междуреченск) om Venäman lidn Kemerovon agjan suvipäivnouzmas. Se om agjan nellänz'-videnz' lidn eläjiden lugun mödhe kuti Leninsk Kuzneckii-ki, Meždurečenskan lidnümbrikon administrativine keskuz (vspäi 2005).

Istorii[redaktiruida | redaktiruida purde]

Eländpunktan aluz om pandud vl 1946 kuti Ol'žeras-žilo (nimitihe jogen mödhe) samha kivihil't. Kätihe žilod da saudud türmatud mehil eländpunktad lidnaks vn 1955 23. päiväl kezakud, nimitihe nügüdläižikš geografižen sijadusen mödhe kahten jogen keskes (ven.: между реками).

Meždurečensk šingotase kivihilen samižel (viž kaivut, sidä kesken järed «Raspadskai», i viž kar'jerad) i videl küllästamižfabrikal, kuldan samižel, kohenduzmehanižel Tomusinskii-tegimel i sömtegimištol (leibänkombinat, oludtegim i jomižed, mineraline vezi), mugažo mägisuksiden turizmal.

Geografijan andmused[redaktiruida | redaktiruida purde]

Lidn om 25 km pitte, sijadase pidust' Tomin oiktad randad tobjimalaz i sen oiktan Us-ližajogen (ven.: Уса́) hural randal tobjimalaz, 240 m ü.m.t. keskmäižel korktusel, om ümbärtud mägirajonil. Matkad Kemerovohosai om 225 km lodeheze orhal, 300 km avtol vai raudtedme. Meždurečensk mülüb Novokuzneckan lidnaglomeracijha (1,15 mln rist. vl 2010). Lähembaine lidn om Miski 15 km päivlaskmha.

Üks'toštkümne pen't žilod mülüdas lidnümbrikho Meždurečenskan ližaks, alištudas koumele territorialižele ohjandusele. Lidnümbrikon pind — 7322,9 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 101 678 ristitud, lidnümbrikon — 103 946 ristitud. Kaikiš suremb lidnan ristitišt oli 108 tuh. eläjid vll 1991−1993. Vl 2018 kaik 99 025 ristitud elihe lidnümbrikos.

Ortodoksižen hristanuskondan koume jumalanpertid[1] da kaks' časounäd oma olmas lidnas.

Meždurečenskan kaivudensauvondtehnikum[2] om professionaližen opendusen aluzkundaks.

Edeline lidnümbrikon pämez' om Sergei Kislicin (keväz'ku 2015 — sügüz'ku 2018).

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Meždurečenskan pühäpertid sobory.ru-saital. (ven.)
  2. Meždurečenskan kaivudensauvondtehnikuman sait (мгст.рф). (ven.)

Irdkosketused[redaktiruida | redaktiruida purde]



Kemerovon agjan lidnad
Anžero-Sudžensk | Belovo | Berözovskii | Gur'jevsk | Jurg | Kaltan | Kemerovo | Kiselövsk | Leninsk Kuzneckii | Mariinsk | Meždurečensk | Miski | Novokuzneck | Osinniki | Polisajevo | Prokopjevsk | Salair | Taig | Taštagol | Topki