Mariinsk

Vikipedii
Mine navigeerimisribale Mine otsikasti
Mariinsk
Мариинск
Lidnanznam
Mariinsk-herb.png
Valdkund Venäma
Eläjiden lugu (2021) 37,786 ristitud
Pind 57,2 km²
Mariinsk Мариинск
Pämez' Vladimir Bobrov
(heinku 2012—)
Telefonkod +7−38 443-xx-xxx
Avtokod 42, 142
Aigvö UTC+7 (MSK+4)


Mariinsk (ven.: Марии́нск) om Venäman lidn da lidnankund Kemerovon agjan pohjoižes. Se om Mariinskan rajonan administrativine keskuz.

Istorii[redaktiruida | redaktiruida purde]

Ende čuliman totarlaižed elihe lidnan sijas. Vl 1698 venälaižed paniba Kijskoje-žilon alust Moskvan počtantraktal. Vl 1856 žilo sai lidnan statusad.

Vl 1857 udesnimitihe Kijskoje-lidnad Aleksandr II-imperatoran Marija Aleksandrovna-akad (1824−1880) oiktastuseks. Transsib läbiti lidnad 19. voz'sadan lopus, saudihe raudtesildad joges päliči vl 1895. Ortodoksižen hristanuskondan ph. Mikulai-čudonsädajan päjumalanpert' (om udessündutadud toižel sijal vodele 2007) i kaumžoman puine časoun', katoline i judaizman pühäpertid oliba lidnas ende. Om kaičenus äi torgovanoiden kivižid pertid.

Mariinsk šingotase raudten edheotandoil i turizmal, etilspirtan tehmine i alkogoližiden jomižiden kaks' tegint ratas. Transsibirin kivivoinveim om saudud lidnanno.

Geografijan andmused[redaktiruida | redaktiruida purde]

Lidn sijadase Kii-jogen (ven.: Кия) hural randal (Čuliman hura ližajogi), 130 m ü.m.t. keskmäižel korktusel. Reljef om tazo. Matkad Kemerovohosai om 141 km suvipäivlaskmha orhal, 168 km avtol vai 225 km raudtedme. Lähembaine lidn om Anžero-Sudžensk 110 km päivlaskmha orhal, 145 km avtotedme vai Trassibadme.

Mariinsk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 40 526 ristitud, rajonan seičeme kümnendest. Ristitišton lugu vajehtab 39..43 tuh. eläjid röunoiš vspäi 1959 (43 000 rist. vl 2003).

Mariinskan politehnine tehnikum[1] om professionaližen opendusen aluzkundaks.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Mariinskan politehnižen tehnikuman sait (marptex.ru). (ven.)

Irdkosketused[redaktiruida | redaktiruida purde]



Kemerovon agjan lidnad
Anžero-Sudžensk | Belovo | Berözovskii | Gur'jevsk | Jurg | Kaltan | Kemerovo | Kiselövsk | Leninsk Kuzneckii | Mariinsk | Meždurečensk | Miski | Novokuzneck | Osinniki | Polisajevo | Prokopjevsk | Salair | Taig | Taštagol | Topki