Siktivkar

Siktivkar
Сыктывкар (ven. i komi)
Lidnanznam;	Flag;
Valdkund	Venäma
Eläjiden lugu (2018)	245,083 ristitud
Pind	152 km²
Pämez'	Valerii Kozlov; (keväz'ku 2017—)
Telefonkod	+7−8212-xxx-xxx
Avtokod	11, 111
Aigvö	UTC+3 (MSK+0)

Siktivkar (ven. i komi: Сыктывкар, venälaine virkand: [sɨktɨfˈkar], znamoičeb «Sisol-lidn», «lidn Sisol-jogen randal» komin kelel) om Venäman lidn valdkundan lodehes. Se om Komin Tazovaldkundan pälidn da kaikiš suremb lidn.

Istorii[redaktiruida | redaktiruida purde]

Eländpunkt mainitase ezmäižen kerdan kuti Permevelisk vl 1570 Orteliusan atlasas. Vl 1586 jumalankodikundan tulendan Ust'-Sisol-keskuz jumalankodinke mainitase Jarenskan aigkirjas, lähižidenke nimitadud tanhidenke ühtes. Vl 1780 volost' sai lidnan statusad, nimitihe lidnad Ust'-Sisol'sk:aks (ven.: Усть-Сысольск). Vozil 1796−1918 oli Vologdan gubernijan makundan keskuseks.

Vl 1930 udesnimitihe lidnad nügüdläižikš VCIK:an käskön mödhe, anttihe nimi komin kelel lidnan 150-voččen jubilejan oiktastuseks. Vspäi 1936 (5. tal'vku) Siktivkar om vaiše sätud Komin Tazovaldkundan pälidnaks.

Siktivkaran ižandusen päsarakod oma mecan ümbriradmine, cellüloz-bumagaine sarak, sauvondmaterialiden pästand, sömtegimišt.

Geografijan andmused[redaktiruida | redaktiruida purde]

Siktivkar seižub soiden da mecoiden keskes. Lidn sijadase tazovaldkundan suvipäivlaskmas, Sisolan (komi: Сыктыв / Сыктыл, ven.: Сысола) lanktendan sijas Vičegd-jogehe (huralpäi), Sisolan hural randal tobjimalaz i Vičegdan hural randal. Lidnan keskuz seižub 172 m korktusel valdmeren pindan päl. Matkad Moskvhasai om 1003 km suvipäivlaskmha orhal, 1331 km avtotedme (Kirovan kal't). Lähembaine lidn om Mikun' 96 km lodeheze raudtedme vai 108 km avtol.

Klimat om ven. Voden keskmäine lämuz om +1,3 C°. Voib panda halad heinkus eskai. Paneb sadegid 621 mm vodes, kezal niid om enamba (73..75 mm kus).

Siktivkaran Ežvan rajon om ičeze administracijanke, märitud röunanke. Toižed rajonad oma lidnanlaptoikš, ned oma oficialižetomad, märitud röunoid niil ei ole. Ližaks, koume lidnanvuittušt žilod da koume muite žilod mülüdas Siktivkaran lidnümbrikho.

Eläjad[redaktiruida | redaktiruida purde]

Vl 1967 lidnan ristitišt oli 102 tuhad eläjid. Vl 2010 lidnan eläjiden lugu oli 235 006 ristitud, lidnümbrikos — 250 874 ristitud. Kaikiš suremb lidnan ristitišt om nügüd' (2018).

Rahvahad (lidnümbrik, vn 2010 Venäman rahvahanlugemižen mödhe^[1], enamba 0,4%): venälaižed — 63,0%, komilaižed — 24,7%, ukrainalaižed — 2,6%, saksalaižed — 0,8%, vaugedvenälaižed — 0,8%, totarlaižed — 0,5%, azerbaidžanlaižed — 0,5%, čuvašalaižed — 0,4%, toižed rahvahad — 2,3%, rahvahuden ozutandata — 4,4%.

Transport[redaktiruida | redaktiruida purde]

Avtobusad, taksid da ehtatimed (kezal) oma kundaližeks transportaks lidnas. Raudte tuli lidnha vl 1961. Avtobusad da lendimed ühtenzoittas Siktivkarad makundoiden keskusidenke da federacijan lahižiden subjektoiden pälidnoidenke.

Rahvahidenkeskeine civiline Siktivkar-lendimport (SCW / СЫВ) sijadase kahtes kilometras päivnouzmha lidnan keskusespäi. Sišpäi tehtas reisid Venämadme, Bakuhu, om čarterreisid Keskmeren lebutahoihe.

Galerei[redaktiruida | redaktiruida purde]

Lidnan nevondkundan da administracijan pert' (2015)
Ortodoksižen hristanuskondan ph. Stefanan kafedraline päjumalanpert', vn 2020 nägu (nügüdläine om saudud vll 1996−2001)
«Mondi Siktivkarskii LPK» vl 2007
Siktivkaran valdkundaline universitet (päkorpus, 2012)
Siktivkar-lendimportan sauvuz, 2008

Homaičendad[redaktiruida | redaktiruida purde]

↑ Национальный состав и владение языками, гражданство (Rahvahaline mülükund da kel'mahtused, rahvahanikuz) //Vn 2010 Venäman rahvahanlugemižen lopmižed Komin Tazovaldkundas. — Komistat (komi.gks.ru). (ven.)

Irdkosketused[redaktiruida | redaktiruida purde]

	Komin Tazovaldkundan lidnad
	Int \| Jemv \| Mikun' \| Pečor \| Siktivkar \| Sosnogorsk \| Uht \| Usinsk \| Vorkut \| Vuktil

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] Национальный состав и владение языками, гражданство (Rahvahaline mülükund da kel'mahtused, rahvahanikuz) //Vn 2010 Venäman rahvahanlugemižen lopmižed Komin Tazovaldkundas. — Komistat (komi.gks.ru). (ven.)

[1]