Jemv

Vikipedii
Jemv
Емва
Lidnanznam
Coat of arms of Emva.jpg
Valdkund Venäma
Eläjiden lugu (2017) 12,906 ristitud
Jemv Емва
Pämez' Andrei Lopatin
(2016—)
Telefonkod +7−82 139-xx-xxx
Avtokod 11, 111
Aigvö UTC+3 (MSK+0)


Jemv (ven. i komi: Емва) om Venäman lidn Komin Tazovaldkundan päivlaskmas. Se om Jemvan lidnankundan da Knäžpagastan rajonan administrativine keskuz.

Istorii[redaktiruida | redaktiruida purde]

Eziauguine eländpunkt om Knäžpagast (ven.: Княжпогост), se sijadase Vim'-jogen vastrandal da mainitase vn 2010 rahvahanlugemižes (114 eläjad), no om lidnan palaks. Nügüd'aigaižen eländpunktan aluz om pandud Vim'-jogen hurha randha vl 1941 kuti lidnanvuitte Raudtežilo (ven.: Железнодорожный). Se om lidnan statusanke da nügüdläiženke nimenke vspäi 1985.

Geografijan andmused[redaktiruida | redaktiruida purde]

Raudtestancii nimitase Knäžpagast, om lidnan keskuses. Avtote läbitab lidnad pidust' raudted. Matkad Siktivkarhasai om 122 km suvhe orhal. Lähembaine lidn om Mikun' 50 km suvipäivlaskmha raudtedme vai 100 km avtotedme.

Seičeme küläd da kaks' pen't žilod mülüdas lidnankundha Jemvan ližaks. Lidnankundan pind om 61,25 nellikkilometrad.

Eläjad da ižanduz[redaktiruida | redaktiruida purde]

Vn 2010 kaiken Venäman rahvahanlugemižen mödhe lidnan eläjiden lugu oli 14 570 ristitud, lidnankundan — 14 626 ristitud. Kaikiš suremb lidnan ristitišt oli 18 782 eläjad vodel 1989. Vl 2017 kaik 13 017 eläjad oli lidnankundas.

Ižandusen sarakod oma mecan varhapanend, mecan ümbriradmine (pästtas fibroplituid) da torguind. Om äi valdkundbüdžetan aluzkundoid, türmid päpaloin.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]


Komin Tazovaldkundan lidnad
Int | Jemv | Mikun' | Pečor | Siktivkar | Sosnogorsk | Uht | Usinsk | Vorkut | Vuktil