Vuktil

Vuktil
Вуктыл (ven. i komi)
	Lidnanznam;
Valdkund	Venäma
Eläjiden lugu (2020)	9,716 ristitud
Pämez'	Vitalii Olesik; (2016—)
Telefonkod	+7−82 146-xx-xxx
Avtokod	11, 111
Aigvö	UTC+3 (MSK+0)

Vuktil (komi: Вуктыл, ven.: Вукты́л) om Venäman lidn Komi Tazovaldkundan päivnouzmas. Om Vuktilan lidnümbrikon administrativižeks keskuseks (vozil 2006−2015 nimitihe Vuktilan rajonaks).

Istorii[vajehta | vajehtada lähte]

Eländpunktan aluz om pandud vl 1964 samha londuselišt gazad da kivivoid. «Pohjoižen säind»-gazanveim zavodiše täs (Vuktil — Uht — Toržok). Vl 1984 žilo sai lidnan statusad.

Vuktilan ižandusen päsarakod oma londuseližen gazan samine da transportiruind, mecan varhapanend

Geografijan andmused[vajehta | vajehtada lähte]

Lidn sijadase Pečor-jogen oiktal randal, 100..109 m ü.m.t. korktusil. Matkad Siktivkarhasai om 530 km suvipäivlaskmha. Lähembaižed lidnad oma Sosnogorsk 168 km päivlaskmha orhal vai 198 km avtotedme i Pečor 142 km pohjoižhe orhal vai 248 km avtol.

Vuktilan lidnümbrik om 22 453 nellikkilometrad pindanke. Kaik kümne pen't žilod da küläd mülüdas sihe Vuktil-lidnan ližaks.

Eläjad[vajehta | vajehtada lähte]

Vn 2010 kaiken Venäman rahvahanlugemižen mödhe lidnan eläjiden lugu oli 12 536 ristitud, rajonan — 14 873 ristitud. Kaikiš suremb lidnan ristitišt oli 19 330 eläjad vl 1989. Vl 2017 kaik 10 205 ristitud elihe lidnas i 12 042 ristitud kaikes lidnümbrikos.

Rahvahad (lidnümbrik, enamba 0,7 % vl 2010): venälaižed — 67,1 %, komilaižed — 10,0 %, ukrainalaižed — 7,7 %, totarlaižed — 1,5 %, vaugedvenälaižed — 1,3 %, čuvašalaižed — 1,1 %, saksalaižed — 0,7 %, toižed rahvahad — 3,4 %, rahvahuden ozutandata — 7,2 %.

Ortodoksižen hristanuskondan Jumalanmaman Blagoveššenjan pühäpert'^[1] om avaitud lidnas vl 2001.

Professionaližen opendusen aluzkundad ratas lähembaižiš lidnoiš.