Toržok

Toržok
Торжок
Lidnanznam;	Flag;
Valdkund	Venäma
Eläjiden lugu (2017)	46,031 ristitud
Pind	58,8 km²
Pämez'	Anatolii Rubailo; (tal'vku 2011—)
Telefonkod	+7−48 251-xx-xxx
Avtokod	69
Aigvö	UTC+3 (MSK+0)

Toržok (ven.: Торжок) om Venäman lidn, lidnümbrik da raudtesol'm Tverin agjan keskuses. Se om agjan nellänz' surtte lidn eläjiden lugun mödhe, mugažo Toržokan rajonan administrativižeks keskuseks (ei mülü sihe).

Istorii[redaktiruida | redaktiruida purde]

Uz'lidnan torgovanad panihe eländpunktan alust 9.-10. voz'sadoiden röunal. Eländpunkt mainitase ezmäižen kerdan Uz'lidnan aigkirjas vl 1139 kuti Uz' Torg (ven.: Новыи търгъ). 13. voz'sadale puine lidnuz oli saudud kivižidenke čuhundusidenke, vl 1742 seinäd paloiba lophu. Vl 1775 Toržok kätihe makundan lidnaks. Istorine pertišt om kaičenus hüvin, kaik om läz nell'sadad mel'heižtahoid. Vodele 2016 19 tohesišt kirješt om löutud lidnas.

Geografijan andmused[redaktiruida | redaktiruida purde]

Lidn sijadase Tverc-jogen molembil randoil (ven.: Тверца, Volgan hura ližajogi), seižub Valdai-ülüden ezikukhil sen päivnouzmas, 165 m ü.m.t. keskmäižel korktusel. Matkad Tverin keskushesai om 64 km suvipäivnouzmha avtotedme. Lähembaine lidn om Lihoslavl' 35 km päivnouzmha raudtedme.

Toržok om lidnümbrikon üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 47 644 ristitud. Kaikiš suremb ristitišt oli 49..50 tuhad eläjid vll 1986−2003 (51 tuh. rist. vl 1987).

Äi ortodoksižen hristanuskondan pühäpertid om lidnas: kaks' jumalankodid, Spasan Toižetamižen päjumalanpert', koume jumalanpertid.

Ižanduz[redaktiruida | redaktiruida purde]

Ižandusen päsarakod oma elektrotehnine tegimišt, mecan ümbriradmine, sömtegimišt, turizm. Mugažo vagontegim, lämoipalovastaižen da toižen päzutandmašiništon edheotand, poligrafižmujuiden tegim, voižimiden järed tegim (Royal Dutch Shell), vuivodsistemiden tegim da omblendfabrikad oma olmas. Omblendan kuldnitil pramozl om kaičenus.

Koume specialižen keskopendusen sijališt aluzkundad om lidnas: politehnine (Rosrezerv:an), pedagogine i gumanitarine kolledžad. Mugažo lendajiden škol da pölvhan tedoinstitut oma olmas.

Raudted lähttas Rževha, Lihoslavlihe da Soblagoho.

Galerei[redaktiruida | redaktiruida purde]

Toržokan rajonan administracijan sauvuz vl 2017
Sündun Tulendan Jerusalimha jumalanpert' i Spasan Toižetamižen päjumalanpert', vn 2014 nägu
Kaiken Venäman istoriž-etnografine muzei vl 2013
Kul'turkeskuz (2013)
Pölvhan tedoinstitut vl 2019
Toržok-raudtestancii vl 2005

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Toržok Vikiaitas

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok