Zubcov

Zubcov
Зубцов
Lidnanznam;	Flag;
Valdkund	Venäma
Eläjiden lugu (2017)	6,373 ristitud
Pämez'	Fedor Ovčarenko; (2016—)
Telefonkod	+7−48 262-xx-xxx
Avtokod	69
Aigvö	UTC+3 (MSK+0)

Zubcov (ven.: Зубцов) om Venäman lidn da lidnankund Tverin agjan suves. Se om Zubcovan rajonan administrativine keskuz (vspäi 1935).

Istorii[redaktiruida | redaktiruida purde]

Eländpunkt mainitase ezmäižen kerdan Uz'lidnan aigkirjas vl 1216 lidnan statusanke. Vozil 1319−1364 da 1426−1460 Zubcov oli ühtennimižen ruhtinazkundan pälidnaks järedanke lidnusenke. Vspäi 1776 oli Zubcovan makundan lidnaks.

Toižen mail'man sodan aigan lidn oli okkupiruidud nacistoil vozil 1941 (11. reduku) — 1942 (23. eloku), sen aigan äi istorižid sauvusid panihe mantazole. 1970-nzil vozil Vazuzan vezivaradimen gidrotehnine sol'm padoseinänke om saudud läz lidnad varmitamha Moskvad reskvedel, jäihe specialistoid elämha lidnas.

Geografijan andmused[redaktiruida | redaktiruida purde]

Lidn sijadase Vazuz-jogensun randoil (Volgan oiged ližajogi), 170 m ü.m.t. keskmäižel korktusel. Matkad Tverihesai om 116 km pohjoižpäivnouzmha orhal, 164 km avtotedme vai 202 km raudtedme. Matkad Moskvan Rigan päraudtestancijhasai om 196 km raudtedme. Lähembaine lidn om Ržev 18 km lodeheze.

Zubcov om lidnankundan üks'jäine eländpunkt.

Eläjad da ižanduz[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 6 927 ristitud, rajonan kaks' videndest. Kaikiš suremb ristitišt oli 8 100 eläjad vl 1998. Ortodoksižen hristanuskondan Jumalanmaman Emäganpäivän päjumalanpert' om olmas lidnas.

Ižandusen päsarakod oma mašinoidensauvomine da turizm. Ühtennimine raudtestancii (vspäi 1901) sijadase Moskv — Rig raudtel.

Galerei[redaktiruida | redaktiruida purde]

Suren sodan memorialine kompleks, 2008
Jumalanmaman Emäganpäivän päjumalanpert', vn 2013 nägu
Torguindkeskuz vl 2013
Municipaline aluzkund
Zubcov-päraudtestancijan sauvuz vl 2013

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (gorod-zubcov.ru). (ven.)

Zubcov Vikiaitas

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok