Kuvšinovo

Kuvšinovo
Кувшиново
	Lidnanznam;
Valdkund	Venäma
Eläjiden lugu (2020)	8,857 ristitud
Pind	17,83 km²
Pämez'	Ol'ga Dančenko; (sügüz'ku 2014—)
Telefonkod	+7−48 257-xx-xxx
Avtokod	69
Aigvö	UTC+3 (MSK+0)

Kuvšinovo (ven.: Кувши́ново) om Venäman lidn da lidnankund Tverin agjan keskuzpalan päivlaskmas. Se om Kuvšinovon rajonan administrativine keskuz da pala.

Istorii[vajehta | vajehtada tekst]

Vanh Kamennoje (Kamenskoje)-külä mainitase ezmäižen kerdan rahvahanlugemižen aigkirjas vl 1624.

Nügüdläižen eländpunktan aluz om pandud vl 1910 Kuvšinovo-raudtestancijha jonol Toržokaspäi, bumagfabrikan pidajiden kanzannimen mödhe. Vl 1938 ühtištadihe raudtestancijan žilod Kamennoje-radnikžilonke da anttihe lidnan statusad ühthiženke Kuvšinovo-nimenke.

Kuvšinovo šingotase Kamennojen bumagkartonan fabrikal^[1] (kartonpakuitez), mugažo leibäntegim i maidtegim ratas.

Geografijan andmused[vajehta | vajehtada tekst]

Lidn sijadase rajonan keskuzpalas, Valdai-ülüden päivnouzmas, Osuganjogen molembil randoil (ven.: Осу́га 167 km pitte, Tverc-jogen oiged ližajogi, Volgan bassein), 230 m ü.m.t. keskmäižel korktusel. Ühtennimine Kuvšinovo-raudtestancii sijadase «Toržok — Soblago»-raudtekeskustal.

Matkad Tverihesai om 120 km päivnouzmha avtotedme. Lähembaine lidn om Toržok 50 km päivnouzmha raudtel vai avtol.

Tobmuz[vajehta | vajehtada tekst]

Kuvšinovo om lidnankundan üks'jäižeks eländpunktaks.

Lidnankundan pämez' om Deputatoiden nevondkundan ezimez'. Lidnan Administracijan pämez' om Svetlana Bobrova vn 2018 tal'vkuspäi.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 10 007 ristitud, rajonan kaks' koumandest. Kaikiš suremb lidnan ristitišt oli 13 549 eläjad vl 1959. Kaik 9 161 eläjad oli lidnas vl 2017.

Rahvahad (enamba 0,4 % vl 2021): venälaižed — 90,3 %, tadžikalaižed — 1,1 %, armenijalaižed — 0,4 %, ukrainalaižed — 0,4 %, uzbekad — 0,4 %, toižed rahvahad — 1,9 %, rahvahuden ozutandata — 5,5 %.

Ortodoksižen hristanuskondan kaks' pušt pühäpertid^[2] oma avaitud lidnas: ph. Amvrosii Optinalaižen jumalanpert i ph. German Aläskalaižen časoun'. Koumanz' puine pühäpert' oli Eläban Eziauguižen Stroican jumalanpert', paloi lophu vl 1962.

Kuvšinovon kolledž^[3] (edel 2012. vot Kamennojen cellülozbumagaine tehnikum) om lidnan professionaližen opendusen aluzkundaks.

Galerei[vajehta | vajehtada tekst]

Lämoipalonvastaine palakund (2014)
Ph. Amvrosii Optinalaižen jumalanpert', vn 2011 nägu
Bumagaiž-kartonaižen fabrikan direkcijan sauvuz vl 2008
Kul'turkeskuz (2009)
Kuvšinovo-raudtestancii vl 2008

Homaičendad[vajehta | vajehtada tekst]

Irdkosketused[vajehta | vajehtada tekst]

Lidnan tobmuden aluzkundoiden oficialine sait (gorod-kuvshinovo.ru). (ven.) (+avtomatine känduz anglijan i saksan kelihe)
Lidnankund Kuvšinovon rajonan tobmuden saital (kuvshinovoadm.ru). (ven.)

Kuvšinovo Vikiaitas

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[1] Kamennojen bumagkartonan fabrik sftgroup.ru-saital. (ven.)

[2] Kuvšinovo-lidnan pühäpertid sobory.ru-saital. (ven.)

[3] Kuvšinovon kolledžan sait (kuvshino-kolledzh.edusite.ru). (ven.)

[1]

[2]

[3]