Kaläzin

Kaläzin
Калязин

Lidnanznam
Valdkund	Venäma
Eläjiden lugu (2018)	12 770 ristitud
Pämez'	Lübov' Malärova (keväz'ku 2 012—)
Telefonkod	+7-48 249-xx-xxx
Avtokod	69
Aigvö	UTC+3 (MSK+0)

Kaläzin (ven.: Калязин) om Venäman lidn da lidnankund Tverin agjan päivnouzmas. Se om Kaläzinan rajonan administrativine keskuz.

Istorii

Nügüd'aigaižen eländpunktan aluz om pandud vl 1434 kuti Kaläzinskai-külä jumalankodinno. Ühtištuihe sidä Nikol'skai-slabadanke i Pirogovo-žilonke 17. voz'sadan lopus. Kaläzinskai-slabad sai makundan lidnan statusad vl 1775 nügüdläiženke nimenke. Vozišpäi 1939−1940 lidnan istorižen keskusen tobj pala om upotadud sauvomha Ugličun GES:ad, endevanh kellčuhunduz seižub vedes kesked lidnad.

Kaläzin šingotase aviasauvomižen MiG-kompanijan mašiništontegimel, mugažo leibänkombinat, omblendfabrik i radioastronomine observatorii ratas.

Geografijan andmused

Lidn sijadase Volgan oiktal randal (Ugličun vezivaradim), 120 m ü.m.t. keskmäižel korktusel. Matkad Tverihesai om läz 190 km suvipäivlaskmha, i om 190 km suvhe Moskvhasai. Lähembaine lidn om Kašin 30 km lodeheze avtol vai raudtedme.

Kaläzin om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 13 867 ristitud, rajonan kaks' koumandest. Kaikiš suremb ristitišt oli enamba 15 tuhad eläjid vll 1989−2001 (15 800 rist. vozil 1992, 1998 i 2000).

Kaläzinan kolledž N.M. Poležajevan nimel nimitadud om professionaližen opendusen aluzkundaks.

Irdkosketused

• Lidnan i Kaläzinan rajonan tobmuden aluzkundoiden oficialine sait (калязин1775.рф). (ven.)
• Lidnan informacine sait (kalyazin.ru). (ven.)