Belii (lidn)

Belii
Белый

Lidnanznam
Valdkund	Venäma
Eläjiden lugu (2017)	3,268 ristitud
Pind	17,56 km²
Pämez'	Aleksei Jerašov (sügüz'ku 2014—)
Telefonkod	+7−48 250-xx-xxx
Avtokod	69
Aigvö	UTC+3 (MSK+0)

Belii (ven.: Белый) om Venäman lidn da lidnankund Tverin agjan suvipäivlaskmas. Se om Belijan rajonan administrativine keskuz.

Istorii

Eländpunkt om tetab 13. voz'sadaspäi kuti Belai-lidnuz (ven.: крепость Белая) Smolenskan ruhtinazkundas, möhemba oli ičeze ruhtinazkundan pälidnaks. Vozil 1355−1654 mülüi 150 vot Litvanmaha, sid' Venämaha i Reč Pospolitai-valdkundha. Vl 1634 Smolenskan sodan aigan Reč Pospolitajan kunigaz oli satatadud venämalaižiden londan satuseks Belai-lidnusespäi.

Vl 1708 Belii sai makundan lidnan statusad. Suren sodan aigan lopihe okkupacijad vn 1942 29. päiväl vilukud. Lidn šingotase mecan ümbriradmižel pilindmaterialoihe.

Geografijan andmused

Lidn sijadase Obš-jogen randal (ven.: Обша, Päivlaskmaižen Dvinan hurapol'ne bassein), 185 m ü.m.t. keskmäižel korktusel. Matkad Smolenskan agjhasai om 20 km suvhe, Tverihesai om 294 km pohjoižpäivnouzmha. Lähembaine lidn om Nelidovo 45 km pohjoižhe orhal vai 52 km avtotedme.

Belii om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 3 772 ristitud, rajonan koume videndest. Kaikiš suremb ristitišt oli 13 600 eläjad vl 1913, Suren sodan jäl'ghe — 5 300 eläjad vozil 1992−1996.

Galerei

• 

  Rajonan administracijan sauvuz vl 2007

• 

  Puišt (2013), amuižen lidnan sijaduz

• 

  Municipaližiden aluzkundoiden pert' (2007, augotižškol, sportškol, kaluišton ohjandusen komitet; ende naižgimnazii)

• 

  Belijan kodirandantedištandmuzei (2021)

Irdkosketused

• Lidnankundan tobmuden aluzkundoiden oficialine sait (adm-bel.ru). (ven.) (angl.) (saks.)