Päivlaskmpol'ne Dvin

Päivlaskmpol'ne Dvin
Западная Двина

Valdkund	Venäma
Eläjiden lugu (2018)	8 089 ristitud
Pind	12,66 km²
Pämez'	Aleksandr Borovkov (sügüz'ku 2 013—)
Telefonkod	+7-48 265-xx-xxx
Avtokod	69
Aigvö	UTC+3 (MSK+0)

Päivlaskmpol'ne Dvin (ven.: Западная Двина) om Venäman lidn da lidnankund Tverin agjan suvipäivlaskmas. Se om Päivlaskmpol'žen Dvinan rajonan administrativine keskuz.

Istorii

Eländpunktan aluz om pandud Päivlaskmpol'ne Dvin-raudtestancijha vl 1900, sijadase «Moskv — Rig»-jonol. Nimitihe stancijad jogen mödhe, se sai radnikžilon statusad vl 1927. Radnikžilo sai lidnan statusad vl 1937.

Päivlaskmpol'ne Dvin-lidn šingotase mecan ümbriradmižel da turizmal, mugažo maidtegim radab.

Geografijan andmused

Lidn sijadase Päivlaskmaižen Dvinan randal (se-žo Daugav alajoksmuses), Valdai-ülüden suvipäivlaskmas, 185 m ü.m.t. keskmäižel korktusel. Matkad Tverihesai om läz 250 km pohjoižpäivnouzmha orhal. Lähembaižed lidnad oma Nelidovo 50 km päivnouzmha raudtel vai avtol, Toropec 38 km lodeheze orhal i Andreapol' 50 km pohjoižhe avtotedme, järed lidn — Velikije Luki 100 km päivlaskmha «Baltii»-trassadme (M9).

Päivlaskmpol'ne Dvin om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 9 845 ristitud, rajonan koume videndest. Kaikiš suremb ristitišt oli 11 556 eläjad vl 1989.

Tehnologine kolledž om professionaližen opendusen aluzkundaks.

Irdkosketused

• Lidnankundan lehtpoled Päivlaskmpol'žen Dvinan rajonan ohjastusen oficialižel saital (zapdvina.ru). (ven.)
• Päivlaskmpol'ne Dvin-lidnan informacine sait (mydvina.ru). (ven.)