Ostaškov

Ostaškov
Осташков
Lidnanznam;	Flag;
Valdkund	Venäma
Eläjiden lugu (2017)	16,318 ristitud
Pind	12,92 km²
Pämez'	Boris Kobzarev; (2015—)
Telefonkod	+7−48 235-xx-xxx
Avtokod	69
Aigvö	UTC+3 (MSK+0)

Ostaškov (ven.: Осташков) om Venäman lidn Tverin agjan lodehes. Se om Municipaližen «Ostaškovan lidnümbrik»-ühtnikan (edel 2017-nden voden semendkud — rajonan) administrativine keskuz.

Istorii[redaktiruida | redaktiruida purde]

Vanh sar'hine Kličen-röunlidnuz mainitase ezmäižen kerdan litvalaižen Ol'gerd-ruhtinasen kirjeižes vl 1371. Kaks' randališt Ostaškovan küläd mainitasoiš ezmäižen kerdan vl 1434. Ostaškov-eländpunkt sai oficiališt lidnan statusad vl 1770, i vodele 1775 kändihe makundan keskuseks. Suren sodan aigan ei ole okkupiruidud, no vozil 1941−1942 sijazihe frontpirdanno.

Ostaškovan ižandusen päsarakod oma sömtegimišt, sauvond da turizm, mugažo kaks' nahkoiden tegint da omblendfabrik oma olmas.

Geografijan andmused[redaktiruida | redaktiruida purde]

Lidn sijadase Seliger-järven suvirandal da sen saril, seižub Valdai-ülüden keskuses, 210 m keskmäižel korktusel valdmeren pindan päl. Matkad Tverihesai om 190 km päivnouzmha. Lähembaižed lidnad oma Kuvšinovo 75 km päivnouzmha avtotedme i Andreapol' 92 km suvipäivlaskmha avtotedme. Ostaškov-raudtestancii sijadase «Bologoje — Velikije Luki»-jonol.

Klimat om ven. Voden keskmäine lämuz — +4,4 C°, kaikiš lämhemb om heinku (+18,2 C°), viluku i uhoku oma kaikiš vilumbad (−8 C°).

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 18 088 ristitud, rajonan (nüg. lidnümbrik) koume nelländest. Kaikiš suremb lidnan ristitišt oli 27 401 eläjad vl 1989.

Koume specialižen keskopendusen aluzkundad om lidnas: elektromehanine da veterinarine tehnikumad, finansiž-ekonomine kolledž.

Galerei[redaktiruida | redaktiruida purde]

Lidnümbrikon ohjastusen sauvuz (2018)
Sündun Voznesenjan päjumalanpert', vn 2012 nägu
Kul'turkeskuz vl 2012 (ende teatr)
Ph. Stroican päjumalanpert' (om saudud vll 1677−1689) i kodirandantedištandmuzei, vn 2020 nägu
Vanh jonuz Ostaškovan päraudtestancijal vl 2019

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan ohjastusen oficialine sait (adm-ostashkov.ru). (ven.)

Ostaškov Vikiaitas

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok