Jevpatorii

Vikipedii
Jump to navigation Jump to search
Jevpatorii
Евпатория (ven.)
Євпаторія (ukr.)
Кезлев / Kezlev (krim.-tat.)
 Lidnanznam
UHT Yevpatoriia, Crimea, Ukraine.svg
 Flag
Flag of Yevpatoriya.png
Valdkund Venäma - de fakto
Ukrain - de jure]]
Eläjiden lugu (2017) 106 158 ristitud
Pind 65 km²
Jevpatorii Евпатория (ven.) Євпаторія (ukr.) Кезлев / Kezlev (krim.-tat.)
Pämez' Roman Tihončuk
(sulaku 2 019—,
velgusentäutai)
Telefonkod +7-36 569,
ende +380-6 569
Aigvö UTC+3


Jevpatorii (ven.: Евпатория, ukr.: Євпаторія, krim.-tat.: Кезлев / Kezlev) om lidn-kurort Kriman päivlaskmas. Se om pol'saren nellänz' lidn kaikenaigaižiden eläjiden lugun mödhe, Jevpatorijan lidnümbrikon administrativine keskuz.

Istorii[redaktiruida | redaktiruida purde]

Eländpunktan aluz om pandud amuižil grekalaižil vl 497 EME kuti Kerkinitid (amuižgrek.: Κερκινίτις). Turkan Gözlöv-lidnuz sai venän Козлов-nimitust. Om udesnimitadud venäks vl 1784 hondoin kulujan nimitusen tagut. Nügüdläine nimituz znamoičeb «hüväsuguine» grekan kelespäi, om anttud Pontan Mitridat VI-carin (ohjasti vll 120−63 EME) Jevpator Dionisius-arvon mödhe, kaiči lidnad skifoiden londoid vaste.

Jevpatorii šingotase sömtegimištol (leib- da maidtegesed, kolbas, alkogolitomad jomad, olud, vin), sauvondmaterialiden tehmižel, omblendedheotandoil, kulemižapparatoiden tegimel, bobaižiden i meblin pästandal, lebutahol i turizmal.

Geografijan andmused[redaktiruida | redaktiruida purde]

Lidn sijadase Mustmeren madalan Jevpatorijan lahten randal, 3..22 m korktusil, 10 m ü.m.t. keskmäižel korktusel. Viž tervehtajad järved oma ani päivnouzmha i päivlaskmha lidnaspäi. Ottas reskvet artezianižiš mareiguišpäi. Matkad Simferopolihesai om 65 km suvipäivnouzmha avtotedme. Lähembaine Saki-lidn da kurort sijadase 20 km päivnouzmha raudtedme vai avtotedme.

Eläjad[redaktiruida | redaktiruida purde]

Vn 2014 Venäman rahvahanlugemižen mödhe lidnan eläjiden lugu oli 106 840 ristitud, lidnümbrikon — 119 258 ristitud. Kaikiš suremb ristitišt oli 113 300 eläjad vl 1992 i 113 500 eläjad vl 1998. Kaik 221 483 ristitud elihe lidnaglomeracijas vl 2018.

Rahvahad (lidnan eläjad, enamba 0,4% vl 2014): venänikad — 71,1%, ukrainalaižed — 13,4%, krimantatarlaižed — 6,3%, totarlaižed — 1,5%, vaugedvenälaižed — 1,0%, armenijalaižed — 0,7%, toižed rahvahad — 2,2%, rahvahuden ozutandata — 3,8%.

Transport[redaktiruida | redaktiruida purde]

Avtobusad, tramvaid i taksid oma kundaližeks transportaks lidnas da sen ümbrištos. Raudte- (vspäi 1915) i meritransport ühtenzoittas Kriman toižidenke lidnoidenke.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]