Alupk

Alupk
Алупка (ven. i ukr.)
Алупка / Alupka (krim.-tat.)

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2021)	9,063 ristitud
Pind	4,22 km²
Telefonkod	+7−3654, ende +380−654
Aigvö	UTC+3

Alupk (ven. i ukr.: Алу́пка, krim.-tat.: Алупка / Alupka) om lidn-kurort Kriman suves. Mülüb Jaltan lidnümbrikho, sen penemb lidn kahtespäi i nellänz' eländpunkt eläjiden lugun mödhe.

Istorii

Eländpunkt mainitase ezmäižen kerdan hazaran tobmuden aigan vl 960 Alubik (Alubika)-nimitusenke. Vll 1475−1774 oli Ottomanan imperijan palaks. Vl 1938 kurort sai lidnan statusad.

Alupk šingotase vinan tehmižel i kurortaks.

Geografijan andmused

Jaltan lidnümbrikon sijaduz tazovaldkundas vn 2009 kartal

Lidn sijadase ümbrikon keskuzpalan suves, Mustmeren randal, Ai-Petri-mägen (1234 m) pohjanno, 67 m ü.m.t. keskmäižel korktusel.

Matkad ümbrikon Jalt-keskushesai om seičemetoštkümne kilometrad pohjoižpäivnouzmha avtotedme. Lähembaižed žilod oma mererandištol: Korejiz ani päivnouzmha i Simejiz ani suvipäivlaskmha.

Klimat om subtropine kuivahk päivoikaz, poud oleskeleb 2300 časud vodes. Voden keskmäine lämuz om +13,6 C°, elokun +26 C°, vilukun-uhokun +4..+6 C°. Paneb sadegid 500 mm vodes. Kül'bendsezon jätkustub semendkuspäi redukuhusai, veden kezaline keskmäine lämuz vajehtase +22..+27 C° röunoiš.

Eläjad

Vl 2013 lidnan eläjiden lugu oli 8 520 ristitud, vl 2014 — 7 771 ristitud, vl 2021 — 9 063 ristitud. Kaik 8 017 eläjad oli lidnas vl 2017. Kaikiš suremb lidnan ristitišt oli 11 404 eläjad vl 1979.

Ortodoksižen hristanuskondan koume jumalanpertid oma kaičenus i saudud lidnas. Om baptizman i islaman kundoid lidnas mugažo.

Lapsiden opendusen aluzkundad oma päivkodi nomer 12, kaks' keskškolad (nomer 1 i 2), tazovaldkundan sanatorine škol-internat, čomamahtoiden škol (ende muzikškol).

Transport

Avtobusad ajeltas rengazmaršrutadme lidnas, ned-žo ühtenzoittas lidnad Jaltanke.

Galerei

• 
  Voroncovan pert'kulun kompleks (2012)
• 
  Ph. Mikoi-arhangelan jumalanpert' (1903−1908), vn 2013 nägu
• 
  Kervačte Ai-Petri-mägenpäle vl 2006

Irdkosketused

• Lidnan turizman informacine sait (alypka.su). (ven.)