Bahčisarai

Bahčisarai
Бахчисарай (ven. i ukr.)
Багъчасарай / Bağçasaray (krim.-tat.)

Lidnanznam
Valdkund	Venäma - de fakto Ukrain - de jure]]
Eläjiden lugu (2021)	28,609 ristitud
Pind	29,3 km²
Pämez'	Oleg Daperko (keväz'ku 2015—)
Telefonkod	+7−36 554-xx-xxx. ende +380−6554
Aigvö	UTC+3

Bahčisarai (ven.: Бахчисара́й, ukr.: Бахчисарай, krim.-tat.: Багъчасарай / Bağçasaray «sad-pert'kulu») om lidn Krim-pol'saren suves. Se om Bahčisarain rajonan administrativižeks keskuseks da palaks.

Istorii

Kuldaižen ordan aigaspäi koume eländpunktad oli nügüdläižen lidnan territorijal: Kirk-Er-lidnuz (nüg. Čufut-Kale), Salačik i Eski-Jurt. Vl 1532 panihe Bahčisarain alust Kriman hankundan pälidnaks, i se oli pälidnan vhesai 1783, konz Krim oli mülünu Venäman imperijha.

Bahčisarai šingotase sömtegimištol (vin, leibänproduktad), sauvondal, istorižel turizmal i kurortaks.

Geografijan andmused

Bahčisarain rajonan sijaduz tazovaldkundas vn 2007 kartal

Lidn sijadase rajonan keskuzpalan lodehes, Sevastopol' — Simferopol' pol'tel, Kriman mägiden ezimägištol, 150..300 m ü.m.t. korktusil.

Matkad Simferopolin keskuzpalhasai om koumekümne kilometrad pohjoižpäivnouzmha.

Tobmuz

Lidnanvuitte Naučnii-žilo observatorijanno (ven.: Научный, ukr.: Научний, krim.-tat.: Научный / Nauçnıy, 704 rist. vl 2017) mülüb lidnankundha Bahčisarain ližaks.

Eläjad

Vl 2010 lidnan eläjiden lugu oli 26 144 ristitud, rajonan koumandez, vn 2021 rahvahanlugemižen mödhe — 28 609 ristitud. Kaik 27 188 eläjad oli lidnas vl 2017. Kaikiš suremb lidnan ristitišt oli 28 500 eläjad vl 1998 i om nügüd'.

Rahvahad (enamba 0,4 % vl 2014): venänikad — 59,2 %, krimantatarlaižed — 22,5 %, ukrainalaižed — 10,1 %, totarlaižed — 3,8 %, vaugedvenälaižed — 0,7 %, armenijalaižed — 0,4 %, toižed rahvahad — 1,8 %, rahvahuden ozutandata — 1,5 %.

Openduz

Lapsiden opendusen aluzkundad oma päivkodid, keskškolad.

Bahčisarain sauvondan da transportan tehnikum i Bahčisarain sauvondan, arhitekturan da dizainan kolledž oma lidnan professionaližen opendusen aluzkundoikš.

Galerei

• 
  Lidnan nevondkundan sauvuz (2012)
• 
  Hanan pert'kulun tanaz i Sur' mečet', vn 2014 sulakun nägu
• 
  Jumalanmaman Feodoran jumalaižen pühäpert' (ortodoksine hristanuskond), nägu vn 2022 heinkus
• 
  Bahčisarain rajonan kul'turkeskuz (vn 2012 olend)
• 
  Bahčisarain avtostancii vl 2022
• 
  Bahčisarai-päraudtestancijan sauvuz vl 2022

Irdkosketused

• Lidnan oficialine sait (bahchisaray.rk.gov.ru). (ven.)