Vanh Krim

Vanh Krim
Старый Крым (ven.)
Старий Крим (ukr.)
Эски Къырым / Eski Qırım (krimantat.)

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2025)	10,492 ristitud
Pind	9,97 km²
Pämez'	Lüdmila Guläščih (2014—)
Telefonkod	+7−36 555, ende +380−6555
Aigvö	UTC+3

Vanh Krim (ven.: Ста́рый Крым, ukr.: Старий Крим, krim.-tat.: Эски Къырым / Eski Qırım) om lidn da lidnankund Kriman suvipäivnouzmas. Mülüb Kirovskojen rajonha, sen üks'jäine lidn i kaikiš suremb eländpunkt eläjiden lugun mödhe.

Istorii

Nügüdläižen eländpunktan aluz om pandud 13. voz'sadal Kirim-nimitusenke, se oli Kuldaižen ordan sijaližen emiran rezidencijaks, tatarlaižiden i armenijalaižiden torguindlidnaks. Aigan mändes nimitaškanzihe kaiked pol'sart necen lidnan mödhe.

Vanh Krim šingotase sömtegimištol. Seičeme muzejad, Armenižen jumalankodikundan Surb Hač-jumalankodi («pühän ristan»), islaman medrese i vanhan lidnan jändused oma kaičenus lidnas da sen ümbrištos. Keskaigan lidn oti surembad territorijad mi nügüd'.

Geografijan andmused

Kirovskojen rajonan sijaduz tazovaldkundas vn 2007 kartal

Lidn sijadase rajonan suvipäivlaskmas, Čurük-Su-jogen üläjoksmusen hural randpolel (krim.-tat.: Çürük Suv 33 km pitte, alajoksmuz kävutase Pohjoižkriman kanalaks), 300 m ü.m.t. keskmäižel korktusel.

Matkad Simferopolihesai om 78 km päivlaskmha orhal vai 90 km avtotedme. Lähembaine lidn om Feodosii kaks'kümnes kilometras päivnouzmha avtotedme.

Tobmuz

Vanh Krim om lidnankundan üks'jäižeks eländpunktaks.

Eläjad

Vl 2012 lidnan eläjiden lugu oli 9 485 ristitud, vl 2014 — 9 277 ristitud. Kaik 9 312 eläjad oli lidnas vl 2017. Kaikiš suremb lidnan ristitišt oli 10 101 eläjad vl 2001, 10 470 eläjad vl 2021 i om nügüd'.

Rahvahad (enamba 0,4 % vl 2014): venänikad — 49,5 %, krimantatarlaižed — 35,7 %, ukrainalaižed — 7,0 %, totarlaižed — 3,3 %, grekalaižed — 1,0 %, vaugedvenälaižed — 0,5 %, turkad — 0,5 %, uzbekad — 0,5 %, toižed rahvahad — 1,6 %, rahvahuden ozutandata — 0,4 %.

Openduz

Lapsiden opendusen aluzkundad oma kaks' nimitadud i nomeruidud päivkodid (nomer 8 i 12), aluzškol nomer 2, škol-gimnazii (openduzkazvatuzkompleks nomer 1), škol-licei (openduzkazvatuzkompleks nomer 3), lapsiden da norišton šingotesen keskuz, rajonan čomamahtoiden školan alajaguz.

Professionaližen opendusen aluzkundad ratas lähembaižiš lidnoiš.

Galerei

• 
  Znam lidnan röunal (2012)
• 
  Uzbek-hanan mečet' (1314), vn 2015 nägu
• 
  Vanhan Kriman sanatorii puištonke vl 2006
• 
  Aleksandr Grin-kirjutajan muzei (vn 2020 olend)

Irdkosketused

• Lidnan tobmuden oficialine sait (staryi-krym.ru). (ven.)