Jalt

Jalt
Ялта (ven., ukr., krim.-tat.)
Lidnanznam;	Flag;
Valdkund	Venäma - de fakto; Ukrain - de jure]]
Eläjiden lugu (2025)	72,013 ristitud
Pind	18,2 km²
Pämez'	Aleksei Čelpanov; (semendku 2018—)
Telefonkod	+7−3654,; (ende +380−654)
Aigvö	UTC+3

Jalt (ven.: Я́лта, ukr.: Ялта, krim.-tat.: Ялта / Yalta) om lidn-kurort Kriman suves. Se om Jaltan lidnümbrikon administrativižeks keskuseks da palaks.

Istorii

Eländpunkt mainitase vspäi 1154, i 15. voz'sadahasai sen nimitused oliba Džalit, Jalit, Kaulit (ukr.: Джаліта, Яліта, Кауліта). Jalit oli muretud manrehkaidusel 15. voz'sadan kahtendes poles, udessündutihe 70 vodes päliči. Sai lidnan statusad vl 1838. Toižen mail'man sodan aigan oli okkupiruidud nacistoil (7. kül'mku 1941 — 16. sulaku 1944). Vn 1945 4.-11. päivil uhokud lidn vastsi Jaltan konferencijad, se pani sodanjäl'ghišt mail'man jagod.

Jalt šingotase kurortal, meriportal i sömtegimištol (vin, kalanümbriradmine).

Geografijan andmused

Lidn sijadase municipalitetan keskuzpalan pohjoižpäivnouzmas, 54 m ü.m.t. keskmäižel korktusel. Lidnümbrik vedase seičemekümneks kilometraks pidust' Mustmeren randad.

Kaik 32 eländpunktad mülüdas lidnümbrikho: kaks' lidnad (toine om Alupk), 21 lidnanvuittušt žilod (järedad oma Gaspr, Gurzuf, Koreiz, Massandr) i ühesa žilod.

Eläjad

Vl 2014 Jaltan eläjiden lugu oli 76 746 ristitud, lidnümbrikon — 141 365 ristitud 282,9 km² pindal. Kaikiš suremb lidnan ristitišt oli 89 tuhad eläjid vl 1987, lidnümbrikon territorijan — 163 230 eläjad vl 1989. Turistižel sezonal (keväz'ku-sügüz'ku) lidnan ristitišt ližadub 500 tuhazesai tulnuzidenke turistoideke.

Rahvahad (lidnan eläjad vl 2001): venänikad — 67 %, ukrainalaižed — 27 %, vaugedvenälaižed — 2 %, krimantatarlaižed — 1 %, toižed rahvahad — 3 %.

Transport

Avtobusad, trolleibusad i funikulörad oma kundaližeks transportaks lidnas. Torguindmeriport radab.

Lähembaižed raudtestancii i lendimport sijadasoiš Simferopoliš 90 km pohjoižhe avtotedme (trolleibusjono) i Sevastopoliš 85 km päivlaskmha avtotedme.

Galerei

Lidnan tobmuden sauvuz (2010)
Vinantehmižen Massandra-kombinatan päine karzin vl 2007
Sanatorii S. M. Kirovan nimed vl 2019
Teatr A. P. Čehovan nimed (vn 2013 olend)

Homaičendad

Irdkosketused

Lidnan da sen ümbrikon oficialine sait (yalta.rk.gov.ru). (ven.)

Jalt Vikiaitas

	Kriman lidnad
	Kriman Tazovaldkund	Alupk \| Alušt \| Armänsk \| Bahčisarai \| Belogorsk \| Džankoi \| Feodosii \| Jalt \| Jevpatorii \| Kerč \| Krasnoperekopsk \| Saki \| Simferopol' \| Sudak \| Ščelkino \| Vanh Krim
	Sevastopol'	Balaklav \| Inkerman \| Sevastopol'