Alušt

Alušt
Алушта (ven. i ukr.)
Алушта / Aluşta (krim.-tat.)

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2025)	29,641 ristitud
Pind	6,98 km²
Pämez'	Galina Ogneva (sügüz'ku 2014—)
Telefonkod	+7−36 560, ende +380−6560
Aigvö	UTC+3

Lidnan trolleibusmaršrutoiden kart (keväz'ku 2025)

Alušt (ven. i ukr.: Алу́шта, krim.-tat.: Алушта / Aluşta) om lidn-kurort Kriman suves. Se om Aluštan lidnümbrikon administrativižeks keskuseks da palaks.

Istorii

Eländpunktan aluz om pandud 6. voz'sadal meiden erad kuti Aluston-lidnuz vizantižen Justinian I-imperatoran (ohjasti vll 527−565) käskön mödhe. Nimitaškanzihe nügüdläižikš 15. voz'sadaspäi. Žilo sai lidnan statusad vl 1902 kurortan sauvomiženke. Toižen mail'man sodan aigan Germanijan okkupacii jätkustui vll 1941 (4. kül'mku) — 1944 (15. sulaku), nevondkundaline krimantatarlaižiden deportacii (18. semendku 1944) toi sured vigad mugažo.

Alušt šingotase turizmal, sömtegimištol (maidtegim, vinedheotandad) i raudbetonan tegimel.

Geografijan andmused

Aluštan municipalitetan sijaduz tazovaldkundas vn 2007 kartal

Lidn sijadase ümbrikon suvipäivlaskmas, Mustmeren randal, 50 m ü.m.t. keskmäižel korktusel.

Matkad Simferopolin keskuzpalhasai om koumekümne ühesa kilometrad lodeheze orhal vai 47 km avtotedme.

Eläjad

Vl 2012 Aluštan eläjiden lugu oli 28 642 ristitud (lidnümbrikon pol'), vl 2014 — 29 078 ristitud, vl 2021 — 31 364 ristitud. Kaikiš suremb lidnan ristitišt oli 36 413 eläjad vl 1989.

Rahvahad (enamba 0,4 % vl 2014): venänikad — 68,2 %, ukrainalaižed — 16,0 %, krimantatarlaižed — 2,6 %, vaugedvenälaižed — 1,0 %, totarlaižed — 0,8 %, armenijalaižed — 0,7 %, toižed rahvahad — 1,8 %, rahvahuden ozutandata — 8,9 %.

Transport

Avtobusad, trolleibusad, maršruttaksid i taksid oma kundaližeks transportaks lidnas. Trolleibus ühtenzoitab Simferopolinke i Jaltanke. Merivaldmad ratas.

Galerei

• 
  Nevondkundaline torg (2013), lidnan tobmuden sauvuz om oiktalpäi tagamal
• 
  Kriman Kaikiden pühämehiden i Feodor Statilatan pühäpert' (1837−1842, ortodoksine hristanuskond), nägu vn 2014 redukus
• 
  Aluštan trolleibusstancii vl 2010
• 
  Aluštan vintegim vl 2013
• 
  Lidnan ühthine nägu vn 2019 sügüz'kus

Irdkosketused

• Lidnümbrikon oficialine sait (alushta-adm.ru). (ven.)
• Lidnümbrikon lehtpoled Kriman oficialižel portalal (alushta.rk.gov.ru). (ven.)