Armänsk

Armänsk
Армянск (ven.)
Армянськ (ukr.)
Эрмени Базар / Ermeni Bazar (krim.-tat.)

Lidnanznam	Flag
Valdkund	Venäma - de fakto Ukrain - de jure]]
Eläjiden lugu (2025)	19,934 ristitud
Pind	16,2 km²
Pämez'	Igor' Nižnik (sügüz'ku 2014—)
Telefonkod	+7−36 567, ende +380−6567
Aigvö	UTC+3

Armänsk (ven.: Армя́нск, ukr.: Армянськ, krim.-tat.: Эрмени Базар / Ermeni Bazar) om lidn Kriman pohjoižes. Se om Armänskan lidnümbrikon administrativine keskuz.

Istorii

Eländpunktan aluz om pandud vl 1736 pagenuzil Ottomanan imperijaspäi grekalaižil i armenijalaižil. Oli olmas Armänskii Bazar-nimitusenke, vl 1921 udesnimitihe venäks nügüdläižikš. Sai lidnan statusad vl 1993.

Armänsk šingotase himižel tegimel, se pästab nenid substancijoid: titanan hapanduz, rikmuiktuz, mineraližed heretused, rusked raudpigment, nozol natriistökol.

Geografijan andmused

Lidnan municipalitetan sijaduz tazovaldkundas vn 2007 kartal

Lidn sijadase Perekopan kaglhal, Krim-regionan röunanno, viž metrad ü.m.t. keskmäižel korktusel. Pohjoižkriman kanalan ojandeh läbitab lidnan keskust.

Matkad Simferopolihesai om 133 km suvhe orhal, 143 km avtotedme vai raudtel. Lähembaine lidn om Krasnoperekopsk kaks'kümnes kilometras suvhe-suvipäivnouzmha orhal da kaikil teil.

Tobmuz

Kaik koume žilod mülüdas lidnümbrikho Armänskan ližaks. Lidnümbrikon pind — 162,4 km², se röunatab Krasnoperekopskan rajonanke suves i päivnouzmas.

Eläjad

Vl 2014 lidnan eläjiden lugu oli 21 987 ristitud, lidnümbrikon — 24 415 ristitud. Kaikiš suremb lidnan ristitišt oli 24 833 eläjad vl 1989.

Rahvahad (lidnan eläjad, enamba 0,4 % vl 2014): venänikad — 57,9 %, ukrainalaižed — 27,3 %, totarlaižed — 1,3 %, krimantatarlaižed — 1,1 %, vaugedvenälaižed — 0,7 %, azerbaidžanlaižed — 0,5%, korejalaižed — 0,4 %, toižed rahvahad — 2,0 %, rahvahuden ozutandata — 8,8 %.

Galerei

• 
  Časoun' avtostancijanno, vn 2019 nägu
• 
  Krimskii Titan-tegimen nägu vl 2011 vai sen aigemba
• 
  Armänskan avtostancii vl 2019
• 
  Rel'sobus Armänsk-raudtestancijan platformanno vl 2012

Irdkosketused

• Armänskan lidnümbrikon oficialine sait (armgov.ru). (ven.)
• Lidnümbrikon lehtpoled Kriman oficialižel portalal (armyansk.rk.gov.ru). (ven.)