Poti

Poti
ფოთი

Lidnanznam	Flag
Valdkund	Gruzii
Eläjiden lugu (2020)	41,498 ristitud
Pind	65,8 km²
Pämez'	Beka Vačaradze (reduku 2021—, ბექა ვაჭარაძემ)
Telefonkod	+995−493
Aigvö	UTC+4

Poti (gruz.: ფოთი [pʰɔtʰi]) om lidn da port Gruzijan päivlaskmas. Mülüb Samegrelo i Üläsvanetii-agjaha, sen kahtenz' lidn eläjiden lugun mödhe.

Istorii

Eländpunkt mainitase ezmäižen kerdan 5. voz'sadal EME kuti Amuižen Grekanman Fasis-kolonii (amuižgrek.: Φάσις). Mainitaškanzihe nügüdläiženke nimitusenke 7. voz'sadal.

Poti šingotase meriportal (7,7 mln tonnoid jüguid joga vodel), laivansauvomižel i kohendusel, sömtegimištol. Gruzijan armijan päsodameribaz om olmas täs. Optine kommunikacine kabel' ühtenzoitab lidnad Varn-portanke (Bolgarii), venub Mustmeren pohjal.

Geografijan andmused

Lidn sijadase Mustmeren i Rioni-jogensun randoil, kaks' metrad ü.m.t. keskmäižel korktusel. Matkad Tbilishasai om 312 km päivnouzmha. Potin port om znamasižemb mi Batumin suren londuseližen merikaran olmatomuden kacmata, sikš miše oiged raudte Tbilisihesai zavodiše arni Potiš.

Klimat om subtropine neps. Voden keskmäine lämuz om +14,7 C°, heinkun-elokun +23..+24 C°, tal'vkun-uhokun +6..+8 C°. Ekstremumad oma −10 C° i +45 C°. Paneb sadegid 2040 mm vodes, vähemba sulakus-semendkus (81..87 mm kus).

Eläjad

Vl 2014 eläjiden lugu oli 41 465 ristitud. Kaikiš suremb ristitišt oli 50 922 eläjad vl 1989.

Rahvahad (enamba 0,4 % vl 2014, ozutadud rahvahudenke): gruzijalaižed — 97,5 %, venänikad — 1,5 %, toižed rahvahad — 1,0 %.

Pazisi-kolledž i Batumin valdkundaližen meriakademijan filial oma lidnan profopendusen aluzkundoikš.

Irdkosketused

• Lidnan oficialine sait (poti.gov.ge). (gruz.)