Ingušetijan Tazovaldkund

Vikipedii
Hüpähtada: navigacii, Ecind
Ingušetijan Tazovaldkund
Республика Ингушетия (ven.)
ГIалгIай Мохк (inguš.)

Ingušetijan Tazovaldkundan flag Ingušetijan Tazovaldkundan znam
Ingušetijan Tazovaldkundan flag Ingušetijan Tazovaldkundan znam
Map of Russia - Ingushetia.svg
Pälidn Magas
Pind

- Ühtes
- saum vezid (%).

82-nz'

3685 km²

Eläjiden lugu

- Kaik
- Sageduz

75-nz'

463 893 ristitud (2015)
125,9 rist./km²

Federaline ümbrik Pohjoižkavkazan
Venäman ekonomine region Pohjoižkavkazan
Valdkundkel' (-keled) ingušan kel', venäkel'
Tazovaldkundan pämez' Junus-Bek Jevkurov
Ohjastusen ezimez' Abubakar Mal'sagov
Rahvahaližen Suiman ezimez' Muharbek Dikažev
Gimn Mägiagjan čomakulus palas...
Avtokod 06
Aigvöd UTC+3 (MSK+0)

Ingušetijan Tazovaldkund vai Ingušetii (ven.: Республика Ингушетия, Ингушетия, inguš.: ГIалгIай Мохк, ГIалгIайче) om Venälaižen Federacijan subjekt.

Se mülüb Pohjoižkavkazan federaližhe ümbrikho.

Tazovaldkundan pälidn om Magas.

Ingušetii om Venäman kaikiš penemb subjekt pindan mödhe lugemata federaližen alištusen lidnoid.

Keled[redaktiruida | redaktiruida purde]

Valdkundkeled oma venäkel' da ingušan kel'.

Istorii[redaktiruida | redaktiruida purde]

Ingušetijan Tazovaldkund om olmas vl 1993 vilukun 9. päivälpäi Čečenijan da Ingušetijan čihodamižen jäl'ghe.

Ingušetijan Tazovaldkundan Konstitucii[1] om vahvištadud vl 1994 uhokun 27. päiväl kaiken rahvahan referendumal da om väges nügüd' äiluguižiden vajehtusidenke.

Geografijan andmused[redaktiruida | redaktiruida purde]

Ingušetijan Tazovaldkundan reljefan kart.

Tazovaldkundal om röunoid Čečenijan Tazovaldkundanke päivnouzmas, Gruzijanke suves (läz 45 km), Pohjoižosetijan — Alanijan Tazovaldkundanke päivlaskmas da pohjoižes. Ingušetijan Tazovaldkund om mererandatoi.

Pind om 3685 nellikkilometrad, sidä kesken videndez mecoiden al (756 km²) mägiden pautkil. Znamasine jogi om Sunž. Kaik joged oma Terekan ližajoged, ned mülüdas Kaspijan meren basseinha. Om severz' penid nimetomid mägijärvid.

Jagadud süvižil jogialangištoil Kavkazan ezimägištod da mägisel'gad ottas territorijan tobjad palad. Pohjoižes om stepid. Kaikiš korktemb čokkoim om Kavkazan Pämägisel'gan Šan-mägenpä (4451 m) tazovaldkundan suves, Gruzijanke röunal.

Klimat om mägiden kontinentaline. Heinkun keskmäine lämuz om +21...+23°C. Paneb sadegid 1200 millimetrhasai vodes.

Londuseližed varad oma kivivoi, londuseline gaz, sauvondmaterialad (mramor, dolomit), mec, mustma.

Tobmuz[redaktiruida | redaktiruida purde]

Tazovaldkundan pämehen Administracijan pert' Magasas.

Tazovaldkundan pämez' (inguš.: ГIалгIай Республика Мехкда, ven.: Глава Республики Ингушетия) om Junus-Bek Jevkurov, radab vs 2008 redukun 31. päiväspäi (edel 2011 vot nece radnikuz nimitihe «Tazovaldkundan prezident»). Tazovaldkundan parlamentan ezitajad änestadas Tazovaldkundan pämest videks vodeks Venäman prezidentan taričendan mödhe, enamba kaht strokud jäl'geten ei sa. Tazovaldkundan pämez' märičeb Ohjastusen strukturad da paneb sen ühtnijoid radnikusile, Ohjastusen pämest — parlamentan hüvästusen sandan jäl'ghe. Tazovaldkundan pämehen Administracii om hänele abhu.

Ingušetijan Tazovaldkundan Rahvahaline Suim (Parlament) om tazovaldkundan üks'kodižeks parlamentaks 27 ezitajanke. Muharbek Dikažev radab sen ezimehen vs 2014 kezakuspäi.

Radonoigendai tobmuz om Ingušetijan Tazovaldkundan Ohjastuz. Abubakar Mal'sagov radab sen ezimehen vs 2013 sügüz'kuspäi. Kaks' Ohjastusen ezmäšt varaezimest da nell' Ohjastusen muite varaezimest oma hänele abhu. Tazovaldkundan ministrused, komitetad, ohjandused, tazovaldkundan inspekcijad da tazovaldkundan radnikoičendad alištudas Ohjastusele.

Järgvaličendad Rahvahaližhe Suimha oliba vl 2011 tal'vkun 4. päiväl. Tazovaldkundan pämest valitihe parlamentas vl 2013 sügüz'kun 8. päiväl Venäman prezidentan taričendan mödhe, nügüdläine Tazovaldkundan pämez' sai vägestust ezmäižel tural (25 än't 27:späi, 92,5%) da radab kahtenden strokun jäl'geten.

Eläjad[redaktiruida | redaktiruida purde]

Vl 2010 eläjiden lugu om 412 529 ristitud[2]. Kaikutte kudenz' ristit kümnespäi om lidnalaine.

Ingušetijas om nell' lidnad da 1 lidnanvuitte Ordžonikidzevskaja-žilo. Kaikiš suremb lidnoišpäi (enamba 100 tuh. ristitud) om Nazran'. Vl 2015 kaik om 12 eländpunktad enamba mi 10 tuh. eläjidenke.

Rahvahad (enamba 0,4% vl 2010): ingušad (93,5%), čečenalaižed (4,6%), venälaižed (0,8%), toižed — 0,4%, rahvahuden ozutandata — 0,7%.

Homaičendad[redaktiruida | redaktiruida purde]

  1. Ingušetijan Tazovaldkundan Konstitucijan tekst (constitution.garant.ru). (ven.) (inguš.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Ingušetijan Tazovaldkundan lidnad
Karabulak | Magas | Malgobek | Nazran'