Karabulak (lidn)

Karabulak
Карабулак (ven.)
Илдарха-ГӀала (inguš.)

Lidnanznam	Flag
Valdkund	Venäma
Eläjiden lugu (2017)	39,614 ristitud
Pind	84 km²
Pämez'	Ahmed Bitiev (tal'vku 2016—)
Telefonkod	+7−87 344-xx-xxx
Avtokod	06
Aigvö	UTC+3 (MSK+0)

Karabulak (ven.: Карабулак, inguš.: Илдарха-ГӀала) om Venäman lidn da lidnümbrik Ingušetijan Tazovaldkundan keskuzpalan pohjoižes.

Istorii

Eländpunktan aluz om pandud vl 1859 kuti kozakoiden Karabulakskai-stanic (ven.: станица Карабулакская). Vl 1962 kätihe stanicad lidnanvuiččeks žiloks. Žilo sai lidnan statusad vl 1995. Lidn šingotase «Himreagent»-tegimel, sauvondmaterialiden edheotandoil (raudbeton, asfal't), mugažo jauhkompleks i kartonažfabrik ratas.

Geografijan andmused

Lidn sijadase Alkančurtskii-kanalan randal i Sunž-jogen hural randal (Terekan bassein), 410 m keskmäižel korktusel valdmeren pindan päl. Matkad Magashasai om 25 km suvipäivlaskmha. Lähembaine lidn om Sunž 8 km päivnouzmha.

Karabulak om lidnümbrikon üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 30 961 ristitud. Kaikiš suremb ristitišt om nügüd'.

Rahvahad (vl 2010, enamba 0,4%): ingušad — 97,1%, čečenalaižed — 1,2%, venälaižed — 0,8%, toižed rahvahad — 0,2%, rahvahuden ozutandata — 0,7%.

Mediciniž-tehnologine kolledž om professionaližen opendusen aluzkundaks, om olmas vspäi 2017.

Irdkosketused

• Lidnan tobmuden aluzkundoiden oficialine sait (mokarabulak.ru). (ven.)