Moršansk

Moršansk
Моршанск
Lidnanznam;	Flag;
Valdkund	Venäma
Eläjiden lugu (2021)	37,477 ristitud
Pind	18,52 km²
Pämez'	Aleksei Bannikov; (tal'vku 2015—)
Telefonkod	+7−47 533-xx-xxx
Avtokod	68
Aigvö	UTC+3 (MSK+0)

Moršansk (ven.: Морша́нск) om Venäman lidn da lidnümbrik Tambovan agjan pohjoižpäivnouzmas. Se om agjan nellänz' lidn eläjiden lugun mödhe, om Moršanskan rajonan administrativižeks keskuseks, ei mülü sihe.

Istorii[redaktiruida | redaktiruida purde]

Eländpunktan aluz om pandud 16. voz'sadal, mainitase vspäi 1623 kuti Morš-žilo (ven.: село Морша), leibtorguindan keskuz valdmoidenno Cnanjogen randal. Žilo sai makundan lidnan statusad nügüdläiženke nimenke vn 1779 16. päiväl sügüz'kud Jekaterina II-imperatornaižen käskön mödhe. Valdmoiden znamoičend poleni lujas raudten sauvondan jäl'ghe, no vatken i tabakon edheotandad radaškanziba.

Moršansk šingotase himižen mašinansauvomižen tegimel (mašiništ himižen, energetižen i aviakosmižen sarakoiden täht), sauvondmaterialiden pästandal (metalližed tegesed), sömtegimištol (lihakombinat, oludtegim, voitegim), vatken edheotandal, raudten vedimdepol i tabakfabrikal.

Geografijan andmused[redaktiruida | redaktiruida purde]

Lidn sijadase rajonan suvipalas, Cnanjogen hural randal päpaloin (ven.: Цна 451 km pitte, Volgan oigedpol'ne bassein), 110 m ü.m.t. keskmäižel korktusel. Cnan kävutand laivjogeks zavodiše lidnas. Matkad Tambovhasai om 83 km suvhe orhal, 90 km avtotel vai 280 km raudtel. Toižed lähembaižed lidnad oma Šack (Räzanin agj) 65 km pohjoižhe orhal vai 70 km avtotedme, i Räžsk (Räzanin agj) 120 km päivlaskmha orhal, 180 km avtotedme vai 125 km raudtedme. Moršansk-raudtestancii radab lidnan päivlaskmaiženno röunanno «Räžsk — Penz»-keskustal vspäi 1867.

Moršansk om lidnümbrikon üks'jäine eländpunkt. Lidnümbrikon pind — 18,52 km².

Eläjad[redaktiruida | redaktiruida purde]

Vl 1897 lidnan ristitišt oli 26 458 eläjad, vl 1939 — 35 193 eläjad. Vn 2010 Venäman rahvahanlugemižen mödhe lidnan eläjiden lugu oli 41 556 ristitud. Kaikiš suremb lidnan ristitišt oli 49..51 tuhad eläjid vll 1987−2001 (51 tuh. rist. vl 1987).

Rahvahad (2010): venälaižed — 98,4%, toižed rahvahad — 1,6%.

Ortodoksižen hristanuskondan Pühän Stroican päjumalanpert', nell' jumalanpertid i koume časounäd^[1] oma olmas lidnas, mugažo vanhuskolaižiden Jumalanmaman Emäganpäivän pühäpert' i protestantizman kaks' jumalanpertid (baptizman da presviterianižusen).

Professionaližen opendusen aluzkundad oma Moršanskan äisarakoine kolledž^[2] i Tambovan valdkundaližen tehnižen universitetan filial.