Žerdevk

Vikipedii
Mine navigeerimisribale Mine otsikasti
Žerdevk
Жердевка
 Lidnanznam
Coat of Arms of Zherdevka (Tambov oblast).png
 Flag
Flag of Zherdevka (Tambov oblast).png
Valdkund Venäma
Eläjiden lugu (2018-01-01) 14 214 ristitud
Pind 16,98 km²
Žerdevk Жердевка
Pämez' Nikolai Kaširin
(tal'vku 2 017—)
Telefonkod +7-47 535-xx-xxx
Avtokod 68
Aigvö UTC+3 (MSK+0)


Žerdevk (ven.: Же́рдевка) om Venäman lidn da lidnankund Tambovan agjan suves. Se om Žerdevkan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud kuti Čibizovk-žilo (ven.: село Чибизовка). Se šingotaškanzihe, konz saudihe «GräziCaricin»-raudtekeskustad vl 1869. Raudte mäni läz žilod, stancijan eziauguine nimituz oli Burnak (ven. Бурнак volostin keskusen mödhe). Udesnimitihe stancijad Žerdevk:aks vn 1905 kül'mkus lähižen külän mödhe. Sen külän aluz oli pandud ühteks pertikš vl 1745 F. Žerdev-bajaril. Žilo sai lidnan statusad nügüdläiženke nimenke vn 1954 15. päiväl heinkud, mülütihe raudtestancijad i sahartegimen žilod lidnha kerdalaz.

Žerdevk šingotase mehanižel tegimel i sömtegimištol (sahartegim, voitegim, lihakombinat, elevator). Nevondkundaližen aigan maploduiden kuivateztegim i savičtegim radoiba mugažo.

Geografijan andmused[redaktiruida | redaktiruida purde]

Lidn sijadase rajonan suves, Saval-jogen randoil (ven.: Савала́ 285 km pitte, Donan hurapol'ne bassein), 110 m ü.m.t. keskmäižel korktusel. Matkad Voronežan agjhasai om 3 km suvhe orhal. Matkad Tambovhasai om 100 km pohjoižhe orhal, 120 km avtotel vai 300 km raudtel. Lähembaižed lidnad oma Uvarovo 56 km päivnouzmha orhal, 78 km avtotedme vai 272 km raudtedme, i Ertil' (Voronežan agj) 46 km päivlaskmha orhal, 84 km avtotedme vai 100 km raudtedme. Žerdevk-raudtestancii radab lidnan päivnouzmas.

Žerdevk om lidnankundan üks'jäine eländpunkt. Lidnankundan pind — 16,98 km².

Eläjad[redaktiruida | redaktiruida purde]

Vl 1959 lidnan ristitišt oli 15 267 eläjad. Vn 2010 Venäman rahvahanlugemižen mödhe eläjiden lugu oli 15 209 ristitud, rajonan pol'. Kaikiš suremb lidnan ristitišt oli 18..19 tuhad eläjid vll 1979−2001 (19 500 rist. vl 1996). Ortodoksižen hristanuskondan ph. Aleksandr Nevalaižen jumalanpert'[1] om olmas lidnas vspäi 1994.

Rahvahad (2010): venälaižed — 97,2%, toižed rahvahad — 2,8%.

Professionaližen opendusen aluzkund om Žerdevkan sahartegimišton kolledž.[2]

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Žerdevkan pühäpertid sobory.ru-saital. (ven.)
  2. Žerdevkan sahartegimišton kolledžan sait (жксп.рф). (ven.)

Irdkosketused[redaktiruida | redaktiruida purde]



Tambovan agjan lidnad
Kirsanov | Kotovsk | Mičurinsk | Moršansk | Rasskazovo | Žerdevk | Tambov | Uvarovo