Čaikovskii (lidn)

Vikipedii
Mine navigeerimisribale Mine otsikasti
Čaikovskii
Чайковский
 Lidnanznam
Герб Чайковского городского округа.jpg
 Flag
Flag of Chaykovskoe (Perm krai).png
Valdkund Venäma
Eläjiden lugu (2021) 81,855 ristitud
Pind 56,49 km²
Čaikovskii Чайковский
Pämez' Jurii Vostrikov
(2005−2009,
sügüz'ku 2018—)
Telefonkod +7−34 241-xx-xxx
Avtokod 59, 81, 159
Aigvö UTC+5 (MSK+2)


Disambig gray.svg Sil sanal voib olda toižid znamoičendoid; miše nähta niid, tulgat tänna.
Lidnan kart (2011)

Čaikovskii (ven.: Чайковский, perm. komi: Чайковскӧй кар) om Venäman lidn da lidnankund Permin randan suvipäivlaskmaižes čogas. Se om randan nellänz' lidn eläjiden lugun mödhe, Čaikovskijan rajonan administrativine keskuz (vspäi 1958), mülüb rajonha.

Istorii[redaktiruida | redaktiruida purde]

Eländpunktan aluz om pandud vl 1955 radnikžiloks sauvomha Votkinskan GES:ad. Sai lidnan statusad vn 1962 18. päiväl vilukud.

Elektroenergetikan ližaks, Čaikovskii-lidn šingotase raudbetontegimel, kanghiden kombinatal, gazapparaturan tegimel, sömtegimišton edheotandoil (lihakombinat, maidtegim), mugažo meblin, metalližtegesiden i metalližkonstrukcijoiden edheotandad ratas.

Geografijan andmused[redaktiruida | redaktiruida purde]

Lidn sijadase Kamanjogen hural randal, 95 m ü.m.t. keskmäižel korktusel. Kaman Votkinskan vezivaradimen padosein sijadase lidnas. Matkad Permihesai om 190 km pohjoižpäivnouzmha orhal vai 270 km avtol, vob sadas Kamal-ki. Lähembaižed lidnad sijadasoiš Udmurtijan Tazovaldkundas: Sarapul suvipäivlaskmha, Iževsk päivlaskmha i Votkinsk 32 km pohjoižhe orhal vai 42 km avtotedme.

Čaikovskii om lidnankundan üks'jäine eländpunkt. Lidnan pertišton pind om 31 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 82 895 ristitud, rajonan nell' videndest. Kaikiš suremb lidnan ristitišt oli 90 200 eläjad vl 2001.

Ortodoksižen hristanuskondan nell' jumalanpertid[1] i kaks' časounäd, baptizman pühäpert' i islaman mečet' oma olmas lidnas.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Čaikovskijan pühäpertid sobory.ru-saital. (ven.)
  2. Čaikovskijan tehnologižen institutan lehtpol' Iževskan valdkundaližen tehnižen universitetan istu.ru-saital. (ven.) (angl.)

Irdkosketused[redaktiruida | redaktiruida purde]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino