Čaikovskii (lidn)

Čaikovskii
Чайковский
Lidnanznam;	Flag;
Valdkund	Venäma
Eläjiden lugu (2024)	74,913 ristitud
Pind	56,49 km²
Pämez'	Jurii Vostrikov; (2005−2009,; sügüz'ku 2018—)
Telefonkod	+7−34 241-xx-xxx
Avtokod	59, 81, 159
Aigvö	UTC+5 (MSK+2)

Sil sanal voib olda toižid znamoičendoid; miše nähta niid, tulgat tänna.

Čaikovskii (ven.: Чайко́вский, perm. komi: Чайковскӧй кар) om Venäman lidn Permin randan suvipäivlaskmaižes čogas. Se om randan nellänz' lidn eläjiden lugun mödhe, Čaikovskijan lidnümbrikon (vll 1958−2018 rajonan) administrativine keskuz da pala.

Istorii

Eländpunktan aluz om pandud vl 1955 radnikžiloks sauvomha Votkinskan GES:ad. Sai lidnan statusad vn 1962 18. päiväl vilukud.

Elektroenergetikan ližaks, Čaikovskii-lidn šingotase sauvondmaterialiden pästandal (raudbetontegim, savičun tegim^[1] ümbrikon Foki-žilos), kanghiden kombinatal, gazapparaturan tegimel, sömtegimišton edheotandoil (lihakombinat, maidtegim), mugažo meblin, metalližtegesiden^[2] i metalližkonstrukcijoiden edheotandad ratas.

Geografijan andmused

Lidn sijadase ümbrikon päivlaskmas, Kamanjogen hural randal, 95 m ü.m.t. keskmäižel korktusel. Kaman Votkinskan vezivaradimen padosein sijadase lidnas.

Matkad Permihesai om 190 km pohjoižpäivnouzmha orhal vai 270 km avtol, voib sadas Kamal-ki. Lähembaižed lidnad sijadasoiš Udmurtijan Tazovaldkundas: Sarapul suvipäivlaskmha, Iževsk päivlaskmha (lendimport) i Votkinsk 32 km pohjoižhe orhal vai 42 km avtotedme.

Tobmuz

Čaikovskii oli lidnankundan üks'jäižeks eländpunktaks. Lidnankundan pind oli 226,76 nellikkilometrad. Lidnan pertišton pind om 31 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 82 895 ristitud, rajonan nell' videndest, vn 2021 — 75 837 ristitud. Kaik 83 486 eläjad oli lidnas vl 2017. Kaikiš suremb lidnan ristitišt oli 90 200 eläjad vl 2001.

Ortodoksižen hristanuskondan nell' jumalanpertid^[3] i kaks' časounäd, baptizman pühäpert' i islaman mečet' oma saudud lidnas.

Lapsiden opendusen aluzkundad oma 45 päivkodid (vn 2005 andmused), 11 keskškolad, licei i gimnazii, lapsiden sädamižen pert', lapsiden (norišton) tehnižen sädamižen keskuz, kaks' čomamahtoiden školad, lapsiden da norišton sportškol, erazvuiččiden sportansuguiden kluboiden verk lapsiden täht. Lidnan professionaližen opendusen aluzkundad oma Čaikovskijan tegimišttehnologijoiden da ohjastusen tehnikum^[4], Čaikovskijan valdkundaline fizkul'turan da sportan akademii^[5] (alusenpanend 1980 kut Čeläbinskan fizkul'turan institutan filial, oli erigoittud institutaks vspäi 1995, nügüdläine nimi om vspäi 2021, läz üht tuhad üläopenikoid).

Galerei

Čaikovskijan lidnümbrikon administracijan sauvuz, vn 2015 fotokuva
Ph. Jurgii-vägestusenkandajan jumalanpert', vn 2020 nägu
Votkinskan GES vl 2011
Volna-adivpert' (2015, «Laineh»)
Gidrostroitel' -kul'turižsportkeskuz (2005, «Gidrosauvoi»)
Norišton kul'turkeskuz i fontan (2013)
Lapsiden čoamahtoiden škol nomer 1 (2020)
Tal'veližiden sportansuguiden Snežinka-keskuz (2015, «Lumut»)
Čaikovskijan tehnologine institut (2011, ei ole rados)
Jogiport vl 2015

Homaičendad

Irdkosketused

Čaikovskii (lidn) Vikiaitas

	Permin randan lidnad
	Aleksandrovsk \| Berezniki \| Čaikovskii \| Čerdin' \| Černušk \| Čormoz \| Čusovoi \| Dobränk \| Gornozavodsk \| Gremäčinsk \| Gubah \| Kizel \| Krasnokamsk \| Krasnovišersk \| Kudimkar \| Kungur \| Lis'v \| Nitv \| Očor \| Ohansk \| Os \| Perm' \| Solikamsk \| Usol'je \| Vereščagino

[1] Čaikovskijan savičuntegimen sait (chkz59.ru). (ven.)

[2] Čaikovskijan metalližtegesiden tegimen sait (chzm.ru). (ven.) (angl.)

[3] Čaikovskijan pühäpertid sobory.ru-saital. (ven.)

[4] Čaikovskijan tegimišttehnologijoiden da ohjastusen tehnikuman sait (chtptu.ru). (ven.)

[5] Čaikovskijan valdkundaline fizkul'turan da sportan akademii, sait (chgafkis.ru). (ven.)

[1]

[2]

[3]

[4]

[5]