Os

Os
Оса

Lidnanznam	Flag
Valdkund	Venäma
Eläjiden lugu (2023)	19,369 ristitud
Pind	12 km²
Pämez'	Viktor Bogomägkov (sulaku 2017—)
Telefonkod	+7−34 291-xx-xxx
Avtokod	59, 81, 159
Aigvö	UTC+5 (MSK+2)

Os (ven.: Оса́, perm. komi: Оса кар) om Venäman lidn Permin randan suvipäivlaskmas. Se om Osan ümbrikon (edel 2025. vot — lidnümbrikon, edel 2019. vot rajonan) administrativižeks keskuseks da palaks.

Istorii

Eländpunktan aluz om pandud vl 1591 kuti Uz' Nikol'skai-slabad (ven.: Ново-Никольская слобода) Venäman päivnouzmaižel röunal. 17. voz'sadal nimitaškanzihe Osan slabad' (ven.: Осинская слобода). Slabad' sai lidnan statusad vn 1737 elokun 13. päiväl nügüdläiženke nimenke.

Os-lidn šingotase kivivoin samižel vspäi 1963 i sauvondmaterialiden pästandal (lämuzizoläcii bazal'tkuiduspäi, pumaterialad, strubad).

Geografijan andmused

Osan ümbrikon sijaduz randas vn 2010 kartal

Lidn sijadase ümbrikon keskuzpalas, Kamanjogen Votkinskan vezivaradimen hural randal, 100 m ü.m.t. keskmäižel korktusel.

Matkad Permihesai om ühesakümne nell' kilometrad pohjoižpäivnouzmha orhal, 141 km avtotedme vai 193 km Kam-jogel. Lähembaine lidn om Ohansk 49 km pohjoižhe orhal vai 95 km avtotedme.

Svetlii-žilo (läz 300 eläjad) da nell' pen't küläd mülüiba lidnankundha mugažo. Lidnankundan pind oli 105,14 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 21 188 ristitud, lidnankundan — 21 889 ristitud, rajonan koume nelländest, vn 2021 lidnan — 19 523 ristitud. Vl 2017 kaik 21 072 ristitud elihe lidnas i 21 732 ristitud kaikes lidnankundas. Kaikiš suremb lidnan ristitišt oli läz 26,5 tuhad eläjid vozil 1996−2001 (26 600 rist. vl 1996).

Ortodoksižen hristanuskondan Eläban Eziauguižen Stroican päjumalanpert' (1902−1916, udessündutadas vspäi 2004) i Jumalanmaman Kazanin jumalaižen pühäpert' (1882) oma letud lidnas. Islaman pühäpert' om kaičenus vspäi 1899, se om anttud kundale vl 2011.

Lapsiden opendusen aluzkundad oma ühesa nimitadud päivkodid, nell' keskškolad (nomer 1..4), specialine (korrekcine) škol-internat, lapsiden sädamižen keskuz, čomamahtoiden škol, vhesai 2023 sportškol radoi. Professionaližen opendusen aluzkundad: Osan opendusen da proftehnologijoiden kolledž, Čaikovskijan tegimištoliž-gumanitarižen kolledžan filial.

Galerei

• 
  Osan ümbrikon administracijan sauvused (2020)
• 
  Eläban Eziauguižen Stroican päjumalanpert', vn 2020 nägu
• 
  Osan kolledžan sauvuz, pedagogine palakund (2016, ende naižgimnazii)
• 
  Neftänik-kul'turkeskusen («Kivivoinradnik») tulend vn 2012 sulakus
• 
  Lidnan muzei (2021, Jumalanmaman Emäganpäivän päjumalanpertin kaičenus pala)

Irdkosketused

• Lidnan da sen ümbrikon tobmuden sait (adm-osa.ru). (ven.)