Čerdin'

Čerdin'
Чердынь

Lidnanznam	Flag
Valdkund	Venäma
Eläjiden lugu (2023)	4,502 ristitud
Pind	15 km²
Pämez'	Viktor Suslov (sügüz'ku 2013—)
Telefonkod	+7−34 240-xx-xxx
Avtokod	59, 81, 159
Aigvö	UTC+5 (MSK+2)

Čerdin' (ven.: Че́рдынь, perm. komi: Чердын) om Venäman lidn Permin randan pohjoižes. Se om Čerdinin ümbrikon (edel 2019. vot — rajonan) administrativižeks keskuseks da palaks.

Istorii

Eländpunkt mainitase ezmäižen kerdan vl 1451 Vičegdan da Vimin aigkirjas. Se sai lidnan statusad vl 1535, oli randan administracijan, religijan i torguindan keskuseks pit'kan aigan. Ende virifabrik, muiltegim, meblinartel' i tegimištoline kombinat (vanutihe villakoid armijan täht) radoiba lidnas.

Čerdin' šingotase turizman keskuseks, tegimišton edheotandad ratas lähižiš žiloiš.

Geografijan andmused

Čerdinin ümbrikon sijaduz randas vn 2010 kartal

Lidn sijadase ümbrikon suves sen suvipäivnouzmaiženno röunanno, Kolv-jogen (Kam-jogen hurapol'ne bassein) korktal oiktal randal, 160 m ü.m.t. keskmäižel korktusel.

Matkad Permihesai om 270 km suvhe orhal vai 305 km avtotedme. Lähembaine lidn om Krasnovišersk koumekümnes koumes kilometras päivnouzmha orhal vai 63 km avtol. Lähembaine raudtestancii sijadase Solikamskas 102 km suvhe.

Tobmuz

Čerdin' oli lidnankundan üks'jäižeks eländpunktaks. Lidnankundan pind oli 30,9 km².

Vl 2019 kätihe Čerdinin rajonad lidnümbrikoks, vspäi 2025 — municipaližeks ümbrikoks.

Eläjad

Vn 2010 Venäman rahvahanlugemižen mödhe lidnan eläjiden lugu oli 4 920 ristitud, rajonan videndez, vn 2021 — 4 590 ristitud. Kaik 4 687 eläjad oli lidnas vl 2017. Kaikiš suremb lidnan ristitišt oli 7 524 eläjad vl 1959.

Sündun Eläbzdusen päjumalanpert', kuz' jumalanpertid i nell' časounäd mülüdas ortodoksižhe hristanuskondha, no äjad eläjad oma vanhuskolaižed.

Lapsiden opendusen aluzkundad oma päivkodi nomer 1, keskškol A.I. Spirinan nimed, ližaopendusen keskuz G.N. Čaginan nimed. Professionaližen opendusen aluzkundad ratas lähembaižiš lidnoiš.

Galerei

• 
  Stroican lidnut Stroicanmägel Kaman oiktal randal (2015)
• 
  Sündun Eläbzdusen päjumalanpert', vn 2014 nägu
• 
  Čerdinin Joann-jumalantedomehen mez'jumalankodi, vn 2015 nägu
• 
  Severnii Ural-adivpert' (2012, «Pohjoine Ural»)
• 
  Čerdinin kodirandantedištandmuzejan ozutelendzal vl 2021

Irdkosketused

• Čerdinin ümbrikon sait (cherdyn.ru). (ven.)
• Lidnankundan tobmuden aluzkundoiden oficialine sait (cherdyn.permarea.ru, om täuttud vn 2019 heinkuhusai). (ven.)