Nitv

Nitv
Нытва

Lidnanznam	Flag
Valdkund	Venäma
Eläjiden lugu (2021)	17,976 ristitud
Pämez'	Konstantin Parkačov (viluku 2016—)
Telefonkod	+7−34 272-xx-xxx
Avtokod	59, 81, 159
Aigvö	UTC+5 (MSK+2)

Nitv (ven.: Ны́тва, perm. komi: Нытва кар) om Venäman lidn da lidnankund Permin randan suvipäivlaskmas. Se om Nitvan rajonan administrativine keskuz.

Istorii

Eländpunktan aluz om pandud vl 1756, nimitihe jogen mödhe. Nimituz znamoičeb «vihand vezi» komin kelel. Vl 1913 raudte tuli metallurgijan tegimennoks. Nitvan tegim sai radnikžilon statusad vl 1928. Kätihe lidnaks vl 1942.

Nitv šingotase tuhkmetallurgijan tegimel tähäsai, pästab keitimpolen astjoiden keradusid, mugažo lihakombinat i leibkombinat ratas lidnas.

Geografijan andmused

Nitvan rajonan sijaduz randas vn 2010 kartal

Lidn sijadase rajonan suvižes čogas, Nitv-jogen padoseinän al da sen randoil, 120 m ü.m.t. keskmäižel korktusel, jogen lanktendan sijas Votkinskan vezivaradimhe (Kaman oiged randpol').

Matkad Permin keskusespäi om vižkümne viž kilometrad päivlaskmha orhal vai 70 km avtotedme. Lähembaine lidn om Krasnokamsk 29 km pohjoižpäivnouzmha orhal vai 33 km avtol.

Kaik seičeme küläd i Vorobji-žilo mülüdas lidnankundha Nitvan ližaks. Lidnankundan pind — 143,05 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 19 041 ristitud, lidnankundan — 19 874 ristitud, rajonan nell' ühesandest, vn 2021 lidnan — 16 675 ristitud. Kaik 18 804 eläjad oli lidnas vl 2017. Kaikiš suremb lidnan ristitišt oli 23 100 eläjad vll 1992 i 1998.

Ortodoksižen hristanuskondan nell' pühäpertid oma saudud lidnas: koume jumalanpertid i časoun'.

Lapsiden opendusen aluzkundad oma päivkodid, keskškolad. Nitvan äiprofil'ne tehnikum om lidnan professionaližen opendusen aluzkundaks.

Galerei

• 
  Nitvan istoriž-kodirandantedištandmuzei (2012)
• 
  Ph. Aleksandr Nevalaine-ruhtinasen jumalanpert', vn 2012 nägu
• 
  Nitvan metallurgižen tegimen üks' kontorišpäi vl 2012
• 
  Laukad (2012)
• 
  Istorine V. Mäsnikov-torgovanan pert' (2021)

Irdkosketused

• Nitvan lidnümbrikon oficialine sait (admnytva.ru). (ven.)