Černušk (lidn)

Vikipedii
Mine navigeerimisribale Mine otsikasti
Černušk
Чернушка
 Lidnanznam
Coat of Arms of Chernushka (2011) (Perm krai).jpg
 Flag
Flag of Chernushka (Perm krai).png
Valdkund Venäma
Eläjiden lugu (2021) 33,308 ristitud
Pind 29,11 km²
Černušk Чернушка
Pämez' Ivan Rategov
(2005−2008,
sügüz'ku 2013—)
Telefonkod +7−34 261-xx-xxx
Avtokod 59, 81, 159
Aigvö UTC+5 (MSK+2)


Černušk (ven.: Чернушка, perm. komi: Чернушка кар) om Venäman lidn da lidnankund Permin randan suves. Se om Černuškan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1854, nimitihe jogen mödhe. Vozil 1913−1920 saudihe ühtennimišt raudtestancijad nelläs kilometras küläspäi «Kazan'Jekaterinburg»-jonol. Kätihe radnikžiloks vn 1945 heinkul. Radnikžilo sai lidnan statusad vl 1966. Sadas kivivoid vspäi 1958, formiruidas jüguvagonrivid raudtestancijal.

Randan kivivoin znamasine pala sase läz Černušk-lidnad (nell' ühesandest vl 1993). Kivivoin ümbriradai da savičun pästai tegimed sijadasoiš lidnas, mugažo severz'-se edheotandad oma saudud kivivoisamižtegimišton holitamha.

Geografijan andmused[redaktiruida | redaktiruida purde]

Lidn sijadase penen Černušk-jogen randoil (ven.: Чернушка, Kaman hurapol'ne bassein), 150 m ü.m.t. keskmäižel korktusel, kesked levedlehtesišt i kavag'mecad. Matkad Permihesai om 170 km pohjoižhe orhal vai 230 km avtotedme. Lähembaine lidn om Janaul (Baškortostan) 75 km päivlaskmha orhal, 80 km raudtedme vai 110 km avtotedme.

Azinskii-žilo (1 476 rist. vl 2016) mülüb lidnankundha Černuškan ližaks. Lidnankundan pind — 33,4 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 33 272 ristitud, lidnankundan — 34 764 ristitud, rajonan kaks' koumandest. Kaikiš suremb lidnan ristitišt oli 35..37 tuh. eläjid vll 1992−2009 (37 800 rist. vl 2001).

Ortodoksižen hristanuskondan kaks' jumalanpertid[1] ratas lidnas. Islaman kundaline («mahallä») mečet' om avaitud lidnas.

Professionaližen opendusen aluzkund om Randan politehnine kolledž[2] (päfater om Černuškas).

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Černuškan pühäpertid sobory.ru-saital. (ven.)
  2. Randan politehnižen kolledžan sait (politex59.ru). (ven.)

Irdkosketused[redaktiruida | redaktiruida purde]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino