Gubah

Vikipedii
Mine navigeerimisribale Mine otsikasti
Gubah
Губаха
Lidnanznam
Gubakha COA (2011).gif
Valdkund Venäma
Eläjiden lugu (2021) 18,825 ristitud
Pind 42,97 km²
Gubah Губаха
Pämez' Nikolai Lazeikin
(tal'vku 2016—)
Telefonkod +7−34 248-xx-xxx
Avtokod 59, 81, 159
Aigvö UTC+5 (MSK+2)


Gubah (ven. i perm. komi: Губаха) om Venäman lidn Permin randan päivnouzmas. Se om Gubahan lidnümbrikon administrativine keskuz.

Istorii[redaktiruida | redaktiruida purde]

Lidnanznam vll 1972−2011

Eländpunktan aluz om pandud vl 1755 samha raudkivendod, vspäi 1825 — kivihil't-ki. Vl 1879 raudte läbiti lidnad, i kivihilen samine ližadui lujas. Kätihe Gubah-žilod lidnanvuiččeks vl 1928. Vspäi 1936 koksanhimine tegim radab. Ühtenzoittihe Gubahad lähižidenke žiloidenke da anttihe lidnan statusad vl 1941.

Vl 2012 ühtištuihe lidnümbrikho lidnad rajonanke.

Gubah šingotase himižel i koksanhimižel tegimil (organižen himijan levitadud substancijad), mouckiven samižel, mugažo mecan ümbriradmižen edheotandad i Kizelan GRES № 3 ratas lidnas.

Geografijan andmused[redaktiruida | redaktiruida purde]

Lidn sijadase Kos'v-jogen randoil (Kaman hura ližajogi), 300 m ü.m.t. keskmäižel korktusel. Matkad Permihesai om 120 km suvipäivlaskmha orhal vai 210 km avtotedme. Lähembaižed lidnad oma Gremäčinsk 36 km suvhe orhal vai 44 km avtotedme i Kizel 25 km pohjoižhe orhal vai avtol.

Lidnanvuiččed Ugleural'skii- (9 109 rist. vl 2017) i Širokovskii-žilod (3 220 rist. vl 2017), nell' muite žilod i kaks' raudtestancijad mülüdas lidnümbrikho Gubahan ližaks. Lidnümbrikon pind — 1009,5 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 28 111 ristitud. Kaikiš suremb lidnan ristitišt oli 36 858 eläjad vl 1989 nügüdläižiš röunoiš. Vl 2017 kaik 20 289 ristitud elihe lidnas i 34 586 ristitud kaikes lidnümbrikos.

Ortodoksižen hristanuskondan koume jumalanpertid[1] oma avaitud lidnas. Islaman pühäpert' radab lidnas 2000-nziš vozišpäi.

Professionaližen opendusen aluzkundad oma Uralan medicinine kolledž[2] i Uralan himiž-tehnologine kolledž[3], molembiden päfaterad sijadasoiš Gubahas.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Gubahan pühäpertid sobory.ru-saital. (ven.)
  2. Uralan medicinižen kolledžan sait (chusmed.ru). (ven.)
  3. Uralan himiž-tehnologižen kolledžan sait (ухтк59.рф). (ven.)

Irdkosketused[redaktiruida | redaktiruida purde]



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino